72 txirrindulari batu dira Amalloko BTT martxan
Parte hartzailek adierazi dutenez “asko” gustatu zitzaien ibilbidea. Eguraldiak ere lagundu zuen, eta martxa “polito” joan dela esan dute antolatzaileek, emaitzagaz “pozik” daudela. Ibilbide bi eduki zituzten aukeran txirrindulariek: luzea, 32 kilometrokoa; eta motza, 27 kilometrokoa.
Hurrengo BTT martxa Arretxinagakoa izango da. Irailaren 28an jokatuko da, 10:00etan. Izena ematea 8:45etik 9:45era bitartean egingo da. Hiru ibilbide egongo dira aukeran: Luzea, 41 kilometrokoa; ertaina, 31 kilometrokoa; eta laburra, 26 kilometrokoa.
Aulestiko BTTa izango da azkena. Urriaren 5erako antolatu dute.
