Bi lagun atxilotu ditu Ertzaintzak Ondarroan, "taberna baten lapurtzen saiatzeagatik"
Itsasaurre kaleko taberna bateko “atea indarrez zabaldu nahian” zebiltzala eta, Ertzaintzak 38 eta 49 urteko gizonezko bi atxilotu ditu Ondarroan, gaur, 03:20an.
Ertzaintzak auzotar baten deia jaso du, gertaeraren berri emateko. “Berehala joan dira ertzainak”. Gizonezkoak hondartzako zubia eta Arrigorri hondartza artean topatu zituzten ertzainek. “Auzotarrak emandako deskripzioagaz bat egiten zuten”. “Beharrezko azterketak” egin eta gero, Ertzaintzak bi gizonezkoak atxilotu ditu.
Bestalde, tabernako ateko zerraila eta atea bera apurtuta daude. Atxilotuak epailearen aurretik pasatuko dira gaur.
Ertzaintza, Ondarroako Alde Zaharrean, artxiboko irudian.
