Luterlek Juan Angel Otxoantesana preso politikoaren artelanak batuko ditu Ondarroako erakusketa aretoan
Luterlek kartzelari buruz egingo duen bosgarren erakusketa izango da: «Kartzelan egiten diren artelanak jendeari hurreratu nahi dizkiogu, komunikabideek presoen inguruan zabaltzen duten irudia apurtu nahian», esan du Ion Iñaki Artetxe Luterleko kideak, herritarrei ikustera egiteko gonbidapena eginaz. Erakusketa «polita» eta «txukuna» izango dela gaineratu du.
Luterlen erakusketa bat
Erakusketa azaroaren 1etik 10era egongo da zabalik, aste barruan, 18:30etik 21:00etara eta jai egunetan 12:00etatik 14:00etara eta 18:30etik 21:00etara. Erakusketaz gain, Globhito berripaperaren 23. zenbakia kaleratuko du taldeak egunotan. 400 ale aterako dituzte. Besteak beste, Kirruren espetxe egoeraren gaineko informazioa agertuko da bertan, bai eta artelanak egiteko daukan motibazioa ere.
Irratsaio berezia Radixun Otxoantesanari buruzko irratsaio berezi bat egingo du Radixu Irratiak (FM 105.5/radixu.info) haren urtebetetze egunean, azaroaren 6an. Besteak beste, preso politikoaren koadrilakoei zuzeneko elkarrizketa egingo diete Ein Daigun Bidi irratsaioan.
