II. Lea-Artibaiko rally-ko bideoa eta argazki galeria, ikusgai

http://www.youtube.com/watch?v=-dbfpNy-9XM Gaur, azaroaren 1, Markina-Xemeinen, II. Lea-Artibaiko rallyaren aurkezpena egin dute. Kastinparro taldeaeren eskutik eta hainbat babeslegaz, 54 auto aurkeztu dituzte Goiko Portalean. Hitzaren arkuak apainduta, aurkezpena goi-goitik egin dute. Parte hartzaileak iaz baino gutxiago dira aurten, baina rallyaren ibilbideak berdina izaten jarraitzen du: "polita bezain arriskutsua". Azken orduko gertaera batzuk tarteko, izena emanda zeukaten pilotu batzuk ezin izan dute rallyan parte hartu.

Lea-Artibai eta Mutrikuko Hitza

Markina-Xemein

2013/11/02

Sergio eta Diego Vallejo anaiak izan dira bizkorrenak, asteburuan eskualdea zeharkatu duen, II. Lea-Artibaiko rallyan. Galiziarrez gainera, bigarren egin duten Castro aita-semeak, eta hirugarrenak geratu diren Ander Txakartegi eta Oihane Ituartek, osotu dute aurtengo podiuma. 48 auto ibili ziren norgehiagokan, baina matxuren ondorioz, euretako askok bertan behera utzi behar izan zuten lasterketa. Hori dela eta, gora behera handiak egon ziren aurreko postuetan. Lehen tartean, Gorka Antxustegik eta Xabat Urrestik egin zuten denborarik onena Vallejotarrei minutu bat eta 6 segundoko denbora aterata. Baina, Gorka Antxustegi eta Xabat Urresti lasterketatik kanpo geratu ondoren, lasaiago ibili ziren galiziarrak, lehen postuari eutsiz. Bigarren, hirugarren eta laugarren postuak berriz, ez ziren azken momentura arte zihurtatu. Danetara, 23 auto ailegatu ziren helmugara.

Rallyaren antolatzaileak, Kastinparro Racing taldekoak, “gustora” geratu dira lasterketak izan duen erantzunagaz, eta eskerrak emon dizkiete partaide, laguntzaile eta ikusleei.

Lasterketako gorabeherak jarraitzeko, informazio egunerotua eta ibilbidea ikusteko, EGIN KLIK HEMEN. Argazki galeria [nggallery ID=94]