Hiru atxilotu Markina-Xemeingo garbigunean lapurreta egiteagatik
Ondarroako ertzain-etxeko agenteek hiru pertsona atxilotu zituzten atzo arratsaldean, domeka, Markina-Xemeingo Garbigunean telebistak ostea leporatuta. Ertzaintzak jakitera eman duenez, arratsaldeko lauak aldera, Bi-633 errepidean zihoan patruila bat, Markina-Xemeingo Garbigunetik igarotzean, pertsona susmagarri bat instalazioen barruan zebilela ohartu zen. Hurbildu ondoren, alto eman eta atxilotu egin zuten lapurreta delitua egotzita. Berehalaxe, kristal hautsien hotsa entzun zuten ertzainek eta, ingurua miatzen hasirik, telebistak txikitzen zenbiltzan beste bi gizonezko aurkitu zituzten. Ustezko lapurrak ihes egin zuten, baina inguruetan atxilotu zituztela azaldu dute ertzainek. Garbigunea inguratzen duen hesia bortxatu zutela egiaztatu ondoren, haiei ere lapurreta delitua egotzi zieten ertzainek.
Atxilotuak, 19, 24, eta 30 urteko gizonezkoak, ertzain-etxera eraman zituzten.
