Herri bazkaria antolatu dute Ziortza-Bolibarko VII. Mendi Martxaren osterako
Jadanik 470 lagunek eman dute izena domekan egingo den Ziortza-Bolibarko VII. Mendi Martxarako. Oraindik zabalik dago izena emateko epea, eta antolatzaileek gonbidapena zabaldu dute.
Martxan izena emateko 616 954 521 telefonora deitu, ziortzabolibarmendimartxa@gmail.com helbidera idatzi edota www.ziortzabolibarmendimartxa.blogspot.com helbidean sartu behar da.
Aurten, gainera, mendi martxa osterako bazkaria antolatu dute Aranbaltzekoek, horretarako jarriko duten karpan. Bazkaltzeko indiar jana sakramentuekin, edaria, pastela, kafea eta kopa egongo dira. Bazkariak 15 euro balio du; 14 urtetik behera, 5 euro.
Bazkarirako odolosteak eguenean egingo dituzte herritarrek frontoian. Iaz arrakasta itzela eduki zuen ekimenak.
Aranbaltzekoek gogorarazi dute ibilbide bi egongo direla aukeran: luzea eta laburra. Luzea 25,8 kilometrokoa da, eta 5 ordu eta erdi inguru iraungo ditu. 7:30ean gosaria edukiko dute ibilbide luzekoek, eta 8:00etan hasiko dute martxa.
Ibilaldi motza, ostera, 10,8 kilometrokoa da, eta bi ordu eta erdi inguru irango du. Horientzako gosaria 10:00etan izango da, eta ibilaldia 10:30ean hasiko dute.
Hornidurak Oizko Iturzuri aterpetxean, Artan eta Ziarregin egongo dira. Dutxak ere egongo dira.
Egon ezin direnak gogoan
Aranbaltz Kultur Elkartekoek adierazi dute urtero mendi martxan «laguntzen eta lanean» ibili diren eta aurten egon ezin direnei «animoak» bidali nahi dizkietela. «Gaixorik daudelako edo beste arrazoi batzuengatik domekan ezingo dira egon, eta animoak eta besarkadak bidali nahi dizkiegu, beti laguntzeko prest egon direlako», esan dute.
Igeldori eta Usansolori babesa
Aurten bederatzi urte beteko dira Ziortza-Bolibarrek desanexioa lortu zuenetik. Horren harira antolatzen da mendi martxa.
Urteurrena datorren honetan, Ziortza-Bolibartarrek elkartasuna adierazi nahi izan diete Igeldokoei eta Usansolokoei herri izateko bidean ematen ari diren pausoengatik. «Guk lortu genuen, eta eurek ere lortuko dute», esan dute bolibartarrek.
Horrela, animoak bidali dizkiete igeldotar eta usansoloar guztiei.
Aranbaltzekoek gogorarazi dute ibilbide bi egongo direla aukeran: luzea eta laburra. Luzea 25,8 kilometrokoa da, eta 5 ordu eta erdi inguru iraungo ditu. 7:30ean gosaria edukiko dute ibilbide luzekoek, eta 8:00etan hasiko dute martxa.
Ibilaldi motza, ostera, 10,8 kilometrokoa da, eta bi ordu eta erdi inguru irango du. Horientzako gosaria 10:00etan izango da, eta ibilaldia 10:30ean hasiko dute.
Hornidurak Oizko Iturzuri aterpetxean, Artan eta Ziarregin egongo dira. Dutxak ere egongo dira.
Egon ezin direnak gogoan
Aranbaltz Kultur Elkartekoek adierazi dute urtero mendi martxan «laguntzen eta lanean» ibili diren eta aurten egon ezin direnei «animoak» bidali nahi dizkietela. «Gaixorik daudelako edo beste arrazoi batzuengatik domekan ezingo dira egon, eta animoak eta besarkadak bidali nahi dizkiegu, beti laguntzeko prest egon direlako», esan dute.
Igeldori eta Usansolori babesa
Aurten bederatzi urte beteko dira Ziortza-Bolibarrek desanexioa lortu zuenetik. Horren harira antolatzen da mendi martxa.
Urteurrena datorren honetan, Ziortza-Bolibartarrek elkartasuna adierazi nahi izan diete Igeldokoei eta Usansolokoei herri izateko bidean ematen ari diren pausoengatik. «Guk lortu genuen, eta eurek ere lortuko dute», esan dute bolibartarrek.
Horrela, animoak bidali dizkiete igeldotar eta usansoloar guztiei. 
