Mutrikuko herriguneko hemeretzi dendatan janari bilketa egingo dute bihartik zapatura bitartean

2013/12/10

DIAn egin zen azaroan janari bilketa

Gabonetako janari bilketa egingo dute. Bilketa herriko elikagaien bankuko taldeak eta Mutrikuko Udalak egingo dute elkarlanean. «Gabonak datozenez, oinarrizko elikagaiez gain, Gabonetara begirako produktuak ere eskaintzea eskertuko genioke jendeari. Gabonetan denon otorduak bereziak izaten direnez, jateko ez dutenek ere aukera hori edukitzea nahiko genuke, ahal den heinean», azaldu dute ekimenaren antolatzaileek. Bilketa egiteko herriguneko hemeretzi dendekin jarri dira harremenetan. «Alkateak gutun bana idatzi die ekimena aurkeztuz eta parte hartzera animatuz. Taldekoek parte hartzeko moduaren berri eman diegu». Herritarrek bilketan parte hartzeko bi modu topatuko dituzte: denda batzuetan janaria lagatzeko kaxak topatuko dituzte; beste batzuetan, berriz, itsulapikoak egongo dira. «Itsulapikoetan batzen den diruarekin, itsulapikoa dagoen dendan bertan galtzen diren produktuak erosiko ditugu, arraina, haragia… Banaketa egin aurrean egingo ditugu erosketak, horrela, produktu horiek ere banatzeko aukera edukiko dugu». Azarokoa, arrakastatsua DIA supermerkatuan azaroaren 29 eta 30ean egindako janari bilketak arrakasta handia izan zuen. Bost edukiontzi handi, zortzi edukiontzi txiki eta 30 kaxa bete zituzten jendeak egindako ekarpenekin. «Poz-pozik gaude, erantzuna uste baino hobea izan baita», adierazi dute herriko taldekoek. «Jende asko gogoz gelditu zen, ordea, eta aurreratu genien herrian ere bilketa egiteko asmoa genuela», gaineratu dute.

Mutrikuko herriguneko hemeretzi dendatan janari bilketa egingo dute bihartik zapatura bitartean

Bizkaia

Umeen gastuak elkarrekin ordaintzen dituzten guraso bananduek ezingo dute aitorpen bateraturik egin

Zergen bidez etxea eskuratzen laguntzea baina diputazioak etxerik ez sustatzea erabaki dute Batzar Nagusiek

Alokabidek emakume bat etxegabetu du Bilboko Atxuri auzoan

Kultur politikez hausnartuko dute hainbat adituk Bilboko Guggenheim museoan, azaroaren 5ean eta 6an

Kulturaren eraldaketarako gaitasuna nabarmendu dute Bilboko Arte Ederren Museoaren irekiera ekitaldi ofizialean

Ainhoa Markinez eta Alexander Ordeñana gailendu dira Durangoko mendi duatloian

«Gezurra da: estoldak ez zeuden garbi»

LABek etxebizitza eskubidea defendatu eta «errentismoa amaitzea» exijitu du Bilbon ere

Euriak gainezka egin du Bilbon

Milaka lagun batu dira Santurtzin, Ander Saenzen heriotza dela-eta erantzukizuna exijitzeko

Lehiarik gabeko zirkuitua egingo dute urrian Bizkaiko bertsolari gazteek

Athleticek irabazi du Euskal Herria Txapela

Bilboko Arte Ederren Museoaren irekiera: erlojuaren kontra osatutako betikotasun bat

Arrizabalaga: «Eskola kirolean ez da ehizatzen, eta ez zaie animaliei tratu txarrik ematen»

Bilbon kanpatuek eskatu dute kalean jarraitzeko eta mobilizazioetan parte hartzeko