2014 urteko federatu txartelak bideratzen dabil
Lekeitioko Lumentza Mendi Taldea. Iaz bazkide izan zirenek etxeko buzoian hartuko dute behar duten dokumentazioa, federatu nahi duten beste guztiak, berriz, Lekeitioko Arantzaren bitxidendan eskuratu ahalko dituzte behar dituzten inprimakiak.
Txartelak tramitatzeko fitxa eta dokumentuak bete, inprimitu eta Amutxategi bitxidendan utzi behar dira.
Estaldurei dagokienez, gutxieneko derrigorrezkoak mendia, eskalada, rokodromoa, barrankoen jaitsiera, espeleologia eta eski nordikoa edo trabesia estaltzen dituela jakitera eman dute Lumentza mendi taldekoek. Horretaz gainera, Pirineoa, Mundu Osoa, eskia, snow eta BTT estaldurak ere badaude. “65 urte baino gehiago dituztenek, luzapenik nahi izanez gero, nagusien zutabetik bete behar dute fitxa eta, ondorioz, nagusi moduan ordaindu”, zehaztu dute Lumentzakoek. Bestala, 65 urtetik gorakoek oinarrizkoa egiteko aukera baino ez daukate.
Federatu txartelen
prezioak:
- Haurrak (2001-01-01 baino beranduago jaiotakoak): Gutxieneko derrigorrezkoa 20,75 euro
- Gazteak (1997-01-01 etik 2000-12-31 bitartean): Gutxienezko derrigorrezkoa 28,37 euro
- Nagusiak (1996-12-31 baino aurretik jaiotakoak: Gutxienezko derrigorrezkoa 80,66 euro
- Baliatzail. (1996-12-31 baino aurretik jaiotakoak): Gutxienezko derrigorrezkoa 72,30 euro
- 65 urtetik gora (1949-12-31 baino aurretik jaiotakoak): Gutxienezko derrigorrezkoa 63,66 euro
Bestalde, Frantziar Pirineoko aseguruak, 13,25 euro balioko ditu adin guztientzako, mundu osorako aseguruak 45,95 euro, eski alpinoak 26,80 euro, snowak 36,80 euro eta mendiko bizikletak 15,05 euro.
