Herritxarron Jai Batzordea jaiak antolatzeko jende faltan dago. Egoera horri irtenbidea eman nahian, eta «egoeraz kezkatuta», herriko talde batek jaien inguruan hausnarketa egiteko bilera deitu du barikurako (otsailak 28). 18:00etan hasiko da batzarra, Anbulatorio Zaharrean.
Barikukoa ez da izango jaien antolaketaz hitz egiteko antolatu den lehenengo bilera:
aurretik beste bi-hiru batzar egin dituzte, eta deitzaileek esan dutenez, «ez da inor agertu». Etziko bilerara inor bada inor agertzen, erabakiren bat hartu beharrean egongo direla esan dute. «Baliteke jaien antolaketa Txosna Batzordeko bi taldeek hartzea. Jendearen parte hartzearen arabera hartuko dira erabakiak».
Antolaketa guztia Txosna Batzordearen esku geratuz gero, baina, egitaraua asko murriztuko litzateke: egun osoko egitarauaren ordez, kontzertuak baino ezin izango lirateke antolatu.
«Beharrezkoa da guztion laguntza behar moduko jaiak antolatzeko, nahi ditugun jaiak antolatzeko. Denon ekarpenak behar ditugu, gazte zein heldu», adierazi dute bileran parte hartzeko dei eginaz.
