Mutriku Txiki musikala egingo da Xabier Lizaso pianojoleagaz

2014/02/25

Musikaren baloreak eta formak jokoen bidez edota parte hartze dinamika ezberdinekin irakasteko ikastaroa antolatu du udal kultura zerbitzuak. 3 urte eta 6 urte arteko umeei zuzenduta egongo da ikastaroa, eta Xabier Lizaso pianojolea izango da irakaslea. Berak sortutako metodoa erabilita, lau tailer emango dizkie umeei: dantza tailerra, kantu tailerra, antzerki tailerra eta joko musikal eta tradiziozkoen tailerra. «Jokoen bidez teknika ezberdinak irakasten dizkiegu haurrei musikarekin, kantuarekin, dantzarekin edota antzerkiarekin harremana errezagoa izan dadin», azaldu du irakasleak. Dibertsioa, hortaz, modu hezitzaile batera bideratuko da, haurren parte hartze aktiboa sustatuz. Izena emateko azken egunak Tailerrak martxoko zapatu goizetan emango dituzte: hilaren 8an, 15ean, 22an eta 29an, 10:00etatik 13:30era bitartean, Zabiel kultur etxean. Parte hartzaileek 35 euro ordaindu beharko dituzte; bigarren anai-arrebaren kasuan, aldiz, 25 euro. Izena emateko azken eguna domeka da (martxoak 2). Turismo bulegora joan behar dute interesatuta daudenek.