Ikusgarria aretoa bete du Hamlet ikuskizunak Lekeition
Hamlet antzezlanak Lekeitioko ikusgarri aretoa jendez bete zuen barikuan. Otsaila eta ekaina bitartean udalak antolatutako egitaraua arraskataz estreinatu zuten. Aurrerago Markina-Xemein eta Aulestin ere Artedrama, Le petit théâtre de Pain eta Dejabu panpin laborategiak ekoiztutako Hamlet antzezlana ikusteko aukera egongo da. Markina-Xemeinen martxoaren 15ean eta Aulestin berriz, antzerki topaketen barruan apirilaren 26an.
Hamlet obrak munduaren eromena irudikatzen du. Obraren ekintza politikan oinarritzen da: gezurra, jukutria, kalkulua, konplota, dirugosea, hitza hitz ala hitza jan… Ikusleak justizia eta bidegabekerien inguruan hausnartzera bultzatzen ditu obrak, baina modu arin eta atseginean. Hala, orain arteko emanaldietan, harrera oso ona izan du antzezlanak.
Hamlet obrak munduaren eromena irudikatzen du. Obraren ekintza politikan oinarritzen da: gezurra, jukutria, kalkulua, konplota, dirugosea, hitza hitz ala hitza jan… Ikusleak justizia eta bidegabekerien inguruan hausnartzera bultzatzen ditu obrak, baina modu arin eta atseginean. Hala, orain arteko emanaldietan, harrera oso ona izan du antzezlanak. 
