Inauteriek eten barik segitzen dute, herriak kolorez janzten

2014/03/04

Ondarroako kalejira

Lekeition, Ondarroan eta Ispasterren mozorrotzeko eguna izan dute gaurkoa. Lekeition eta Ondarroan kalejiran elkartu dira herriko ikastetxeetako umeak goizean. Lekeition, 10:30ak zertxobait pasatuta atera dira kalerik kale; Ondarroan, 11:30ean hasi dira bidea egiten Kamiñazpi auzoan. Ohi legez, Lantzoiak ireki du kalejira. Tarteka-tarteka euria hasi badu ere, Alamedaraino ailegatu ahal izan dira ume zein gurasoak, “gehiegirik busti barik”. Arratsaldean jarraituko dute inauterietako ospakizunek Lekeition eta Ondarroan.

Lekeitioko kalejira

Gaur arratsaldean, Lekeition 18:00etan, txokolate jana Txosna Batzordearen eskutik, Independentzia plazan. 19:00etatik 21:00etara, Tratutala perkusio taldearen kalejira. Ibilbidea: Kultur etxea, Apalloa, Trinidade, Azpiri, Arranegi, Plaza, Gamarra, Eskolapea, Paskual Abaroa eta Isidro Salinas. 20:00etatik 22:00etara, Aittitta Makurra Txarangaren kalejira. Gaur arratsaldean, Ondarroan 17:30ean, play-back lehiaketa Bide Onera zine aretoan, 11 urte artekoei zuzenduta. Sariak: lehenengoarentzat 150 euroko erosketa txartela herriko saltokietan trukatzeko; bigarrenarentzat 125 euroko erosketa txartela herriko saltokietan trukatzeko; eta hirugarrenarentzat 75 euroko erosketa txartela herriko saltokietan trukatzeko. 18:30ean, inauterietako dantza saioak kalez kale, Kresala Kultur Elkartearen eskutik. 19:30ean, Akuliaren enterrua kalez kale portutik hasita, Artelan Elkartearen eskutik. Amaieran, sermoia Zubi Zaharretik. Errebala Txikiñe Gaztelekuan. 17:00etan, karaokea. 19:00etan, Akuliaren enterrura danborrak jotzera. 22:00etatik 00:00etara, diskoteka.