Aldundiko udalekuetan izena emateko epea zabaldu dute
Umeak Ajangizko Lurraskan
Jolas eta heziketa izaera du programak, eta 7 eta 13 urte bitarteko neska-mutikoei zuzendutako dago. Egonaldiak zazpi edo hamar egunekoak izan daitezke; kuota 118 euro da zazpi eguneko egonaldietarako, eta 172 euro hamar eguneko egonaldietarako. Lurraskaz gain, beste hamahiru instalazio daude programan sartuta. Denetara, zazpi dira Bizkaikoak, hiru Arabakoak eta 4 Gipuzkoakoak.
Izena emateko edo argibide gehiagorako leku hauetara jo daiteke: Rekalde Aretora (Rekalde zumarkalea, 30. Bilbo) Erregistroa eta Herritarrenganako Laguntza Bideratzeko Atalera (Diputazio kalea, 7-beheko solairua. Bilbo – Foru Liburutegiaren kristalezko eraikina), Bizkaiko Lurralde Historikoko udal eta eskualdeko bulegoetan edo www.gaztebizz.com/udalekuak webgunera. Laguntzarako telefonoak, aldiz, 902-540 299 eta 946-083 360 dira.
Lea-Artibain bertan ere eman daiteke izena: Lea-Artibai Amankomunazgoan (Patrokua jauregia, Markina-Xemeingo Xemein etorbidea, 13/94-631 17 17) .
Dokumentuak:
