Lea-Artibaiko taldeak finalerako txartela lortu du BBK Sariketan
Gaur Durangoko Fray Juan de Zumarraga institutuan XXII. Bertsolari gazteen BBK sariketaren lehenengo finalaurrekoa jokatu da Durangaldeko eta Lea-Artibaiko taldeen artean. Saioa eguerdiko 12etan hasi da, eta ikastetxeko ikasle eta irakasleak izan dira entzule. Irabazlea Lea-Artibaiko taldea izan da, eta beraz, martxoaren 28an Bilbon jokatuko den finalera sailkatu da. Gaurko saioko aurkezlea Maddi Ibaibarriaga Zubikarai izan da eta epaimahaia Juanjo Respaldiza Ozaetak, Leire Etxebarria Gazteluk eta Miriam Juaristi Urizarrek osatu dute.
18 urtera arteko taldeko bertsolariak
Saioa giro ezin hobean egin da. Lea-Artibaiko taldean: Aitor Ruiz Urizar, Graxi Arregi Leonardo eta Naroa Loiola Lejardi egon dira, 18 urte artekoetan. 18 urtetiko gorakoetan ostera, Aissa Intxausti Aburruza, Eneko Arrate Sololuze eta Nerea Ibarzabal Salegi egon dira.
Lea-Artibaiko taldeak 156.5 puntu egin ditu 18 urtera artekoetan. Durangaldeak, ostera, 172.5 puntu egin ditu talde horretan. 18 urtetik gorakoetan 248.5 eta 216 egin dute Lea-Artibaikoetak eta Durangaldekoek, hurrenez hurren. Horrela ba, 388.5 eta 405 puntugaz, Lea-Artibai gailendu da eta finalerako txartela lortu dute.
