Bertsolaritzaren historiari buruzko tertulia egongo da etzi bideo aretoan

Lea-Artibai eta Mutrikuko Hitza

2014/03/26

Mendikute-Rosario Elkarteak antolatuta barikuan Bertsolaritza: Historia eta Etorkizuna tertulia egingo da Berriatuko Bideo Aretoan.. Hizketaldian, besteak beste, Xabier Amuriza, Jon Azpillaga, Iratxe Ibarra eta Xabier Enbeita bertsolariek parte hartuko dute. Horrez gain, lau bertsolarien moderatzaile lanetan Joseba Goienola ariko da. Lau garai Etziko berbaldian lau gai edo garai jorratu eta landuko dira. Alde batetik, Frankismo garaian bertsolaritzak euskara sustatu eta euskaldunek euren hizkuntza ez galtzeko izan zuen garrantziaz ariko dira. Jarraian, bertso eskolak sortzeak bertsolaritzari ekarri zion mesedea eta aurrerapausua landuko dute. Ostean, emakumeak bertsotan aritzeak ekarri dituen berritasunen berri emango dute, eta, azkenik, kiroldegiak betetzen jarraituko al dugu? gaia kontutan hartuta, bertsolaritzak etorkizunik duen ala ez zeharka ariko dira Horiek gai guztiak landu eta eztabaidatzeko garai bakoitzean esanguratsua izan daitekeen bertsolari bana ekarriko dute. «Jon Azpillaga bertsolari historikoa da oso, frankismo garaian jo eta su aritu zen, eta garai hartako ikur bat dela esan genezake. Xabier Amuriza, aldiz, bertso eskolak sortzen aritutako aitzindarietako bat da. Iratxe Ibarra ere, eskualdeko bertsolari eta emakumea izanda ezin zen falta, eta Enbeitak etorkizuneko bertsolari gazteen papera betetzen du», azaldu dute antolatzaileek. Tertulia amaitu ostean, pintxo dastaketa egongo da Ginazi aretoan, eta, bien bitartean, bertso saioa eskainiko dute lau hizlari eta herriko bertsolariek.

Bertsolaritzaren historiari buruzko tertulia egongo da etzi bideo aretoan

Bizkaia

Justizia Anderrentzat plataformak salatu du oraindik badaudela «erantzule diren polizia eta arduradun politikoak»

Euskal artista gazteen saretzea bistaratu du ‘Ertibil Bizkaia’ erakusketak Bilbon

Onintza Enbeita: «Bertsolari moduan sekula jaso dudan maitasun erakustaldirik handiena da pregoilari izatea»

Ezinbesteko andre ahaztuak

Espetxeratu dute Getxon sexu eraso bat egitea leporatuta atxilotu zuten gizona

Santurtziko udaltzainburuak dimisioa eman du, bi auzi ikerketapean egonda

Cake Minuesa eskuin muturreko probokatzaileari erasotzea leporatzen diote atzo atxilotutako gizonezkoari

Subflubialari Ez plataformak «gardentasuna» eskatu du itsasadar azpiko errepidearen proiektuaren inguruan

Bihar zabalduko dute Deustu eta Txorierri lotzen dituen tunela

Bizkaiko golkoan hasiak dira goi tentsioko linearako kablea jartzen

Gizon bat atxilotu dute Zornotzan hil zen txirrindulariaren harrapaketa dela eta

Ur eskasia dela eta, zisterna kamioiak eramanen ditu Bizkaiko Foru Aldundiak Karrantzara

Gizon bat atxilotu dute Getxon, kalean emakume bati sexu erasoa egiten harrapatuta