Aldundiak 54.000 euroko laguntza emango dio Simon Bolivar Museoari, "programaziorako"
Maiatzean Museoen Nazioarteko Egunagaz bat egingo du Simon Bolivar Museoak. Eta uztailean, Simon Bolivarren jaiotegunaren harira, ospakizuna antolatuko dute museoko arduradunek, urtero egin legez. Bi ekintza horietaz gain, Europako Ondare Jardunaldiekin ere bat egingo du Simon Bolivar Museoak, hainbat jardunaldi antolatuz.
Jose Azpiazu Ziortza-Bolibarko alkatea, museoaren 30. urteurreneko ospakizunean, iaz.
Programazioa bultzatuz Bada, ekintza horiek guztiek duten kostu ekonomikoari aurre egiteko, Aldundiak 54.000 euroko diru laguntza emango dio museoari. Laguntza hori emanda, Aldundiak Bizkaiko museo ezberdinen urteko programazioa bultzatu nahi izan du. Simon Bolivar Museoagaz egin modura, Medikuntza Historiaren Euskal Museoak eta Bilboko Pasoen Museoak eta Euskal Museoak ere Aldundiaren diru laguntzak jasoko dituzte, 11.500 euro, 12.000 eta 550.000, hurrenez hurren.
