Injarrak harremandu eta harremanak injartzeko batuko dira Lekeitioko gazteak
hamalaugarren Zeresana Egunean. Urte osoan bakoitza bere aldetik ibiltzen bada ere, zapatuan denen indarrak batuko dituztela esan dute, guztien arteko harremanak indartzeko.
Eguraldiak laguntzen badu, Lekeitioko Independentzia plazan batuko dira herriko gazteak, eta urtero modura, egun osoko jaia ospatuko dute goizean hasi eta gauera arte.
11:00etan jarri dute plazara bajatzeko hitzordua. Bertan, Lekeitioko Gazte Asanbladakoek hartuko dute berbea eta
gaztetxearen inguruan arituko dira. Orain arte jarraitu duten ibilbidea azalduko dute.
Asanbladaren ostean, janaria prestatzen hasiko dira gazteak. Aurten ere, koadrilen arteko
paella desafioa izango dute, baina aurtengoa «bertan momentuan azalduko dituzten» sorpresaz beteta datorrela aurreratu dute antolatzaileek.
Bazkaldu ondoren, taldekako
Mihiluze erraldoia edukiko dute, eta 19:00etan hasiko da
elektrotxarangagaz lagundutako poteoa.
Zeresana Egunean ohikoa izaten den kantzontzilo eta pantaloi lasterketaren ordez
Bertso Rap txapelketa izango dute, azkenik, jaiagaz amaitzeko. Hala ere, badaezpada, kaltzontzilo eta pantaloi egokiak jartzea komeni dela jakitera eman dute antolatzaileek «beste sorpresaren bat» egon daitekeela aitatuta.
