Lea-Artibaik irabazi du 22. Bertsolari Gazteen BBK Sariketa
Joan den asteko barikuan jokatu zen finala, Bilboko Kafe Antzokian. Lea-Artibai taldeak 26 puntuko aldeagaz irabazi zion Arratiari. 18 urte artekoetan, Arratia gailendu zen, 167, 5 puntugaz; Lea-Artibaik 166 lortu zituen. 19 urtetik 24 urtera artekoetan, ostera, Lea-Artibaikoek euren nagusitasuna erakutsi zuten. Izan ere, 256 puntugaz, Arratia (228,5) atzean laga zuten.
Horrela ba, Lea-Artibai, 422 puntugaz, txapelketako irabazle nagusi bihurtu zen; Arratiak 396 lortu zituen.
Aitor Ruiz Urizar, Graxi Arregi Leonardo eta Naroa Loiola Lejardi izan ziren Lea-Artibaiko 18 urtera arteko taldea osotu zutenak. 19 urtetik aurrerako taldean Aissa Intxausti Aburruza, Eneko Arrate Sololuze eta Nerea Ibarzabal Salegi egon ziren.
Finaleko saioa Bernar Mandaluniz Plazak aurkeztu zuen eta epaimahaia Juanjo Respaldiza Ozaetak, Jurgi Fuentes Goikoetxeak eta Moises Enbeita Ealok osatu zuten.
Saioan “giro ezinhobea” egon zela esan dute antolatzaileek.
22. Bertsolari Gazteen BBK Sariketa martxoaren 11n hasi zen, Markina-Xemeinen. Guztira hiru kanporaketa eta bi finalaurre egin dira, eta zazpi eskualdek parte hartu dute: Arratia, Bilboaldea, Busturialdea, Durangaldea, Enkarterri, Ipar-Uribe eta Lea-Artibai.
Horrela ba, Lea-Artibai, 422 puntugaz, txapelketako irabazle nagusi bihurtu zen; Arratiak 396 lortu zituen.
Aitor Ruiz Urizar, Graxi Arregi Leonardo eta Naroa Loiola Lejardi izan ziren Lea-Artibaiko 18 urtera arteko taldea osotu zutenak. 19 urtetik aurrerako taldean Aissa Intxausti Aburruza, Eneko Arrate Sololuze eta Nerea Ibarzabal Salegi egon ziren.
Finaleko saioa Bernar Mandaluniz Plazak aurkeztu zuen eta epaimahaia Juanjo Respaldiza Ozaetak, Jurgi Fuentes Goikoetxeak eta Moises Enbeita Ealok osatu zuten.
Saioan “giro ezinhobea” egon zela esan dute antolatzaileek.
22. Bertsolari Gazteen BBK Sariketa martxoaren 11n hasi zen, Markina-Xemeinen. Guztira hiru kanporaketa eta bi finalaurre egin dira, eta zazpi eskualdek parte hartu dute: Arratia, Bilboaldea, Busturialdea, Durangaldea, Enkarterri, Ipar-Uribe eta Lea-Artibai.
