Beste kolore bat eta beste bizitasun bat izan ditu asteburuan Lekeitiok. Zeresana Eguna ospatu zuten gazteek zapatuan, eta herri osora zabaldu zuten jai giroa, batez ere iluntzean.
75 gazte elkartu ziren Independentzia plazan, paellak egin eta elkarregaz bazkaltzeko. Koadrilaka prestatu zuten janaria baina, gero, nahastuta bazkaldu zuten guztien arteko harremanak estutzeko asmoz. Giro onean joan zen bazkaria, bai eta bazkalosteko Mihiluze erraldoia ere. Baina, momenturik hoberena, iluntzeko kalejira izan zela azpimarratu dute gazteek. Elektrotxarangagaz lagunduta, herrian zehar ibili ziren gazteak, eta bazkarian parte hartzeko aukerarik izan ez zutenak ere bat egin zuten jaiarekin.
Horren ondo joan zen kalejira, gaueko bertso txapelketa ere bertan behera utzi zutela gazteek. “Berandura arte luzatu zen-eta ez zigun eman aukerarik egiteko”, aitatu dute.
