37. Euskal Zine Bileran parte hartzeko lanak aurkezteko epea zabaldu dute
Azaroaren 23tik 29ra bitartean ospatuko da Lekeition 37. Euskal Zine Bilera. Eta lehiaketan ikus-entzunezko lanak aurkezteko epea zabaldu dute. Lanak irailaren 12ra arte aurkeztu ahalko direla jakin eragin dute antolatzaileek. Besteak beste, aurten, Antzar Morea emango dute antolatzaileek.
Iaz “marka guztiak apurtu” zituztela esan dute antolatzaileek. “Lan talde berrituak Lekeitiok euskal zinearen kaia izan behar zuela adierazi zuen urte hasieran. Eta erronka soberan bete eta 50 film baino gehiago aurkeztu ziren lehiaketara”.
Orduan hasitako bideari jarraituz, aurten ere betiko bi helburuei eutsiko die Euskal Zine Bilerak: euskarazko lan amateurrak saritu eta bidea egiten lagundu, eta Euskal Zine Bilera euskarazko zinemagintza profesionalaren bilgune bihurtu.
Lehiaketak bi kategoria edukiko ditu aurten ere, profesionalena eta amateurrena; lanak irailaren 12ra arte aurkeztu ahal diraLehiaketak bi kategoria edukiko ditu aurten ere: profesionalena eta amateurrena. Eta lanak aurkezten dutenek sailkatu beharko dute euren lana kategoria baten edo bestean. Halaber, kategoria bakoitzean zuzendaritza, ekoizpena, gidoia eta argazkiak sarituko direla jakin eragin dute antolatzaileek. “Profesionalen kategorian 1.600 euro eta zilarrezko antzarra izango dira sariak. Amateurrean ostera, 1.000 euro eta zilarrezko antzarra izango dira sari nagusiak”. Jaialdiko saririk preziatuena film onenaren saria izango dela azpimarratu dute. “Hori bi kategorietan emango da”. Iaz, esaterako, Peio Gutierrezen Abuztua filmak irabazi zuen profesionalen arteko film onenaren saria; amateurren artean Oihan Vitoriaren Etxehuts filmak eroan zuen. Horrez gain, Euskal Zine Bilerak euskl zinegile gazteak ere bultzatu nahi ditu eta iaz egin modura, Gazte 22 saria emango dute aurten ere. Horrela ba, 1991ko urtarrilaren 1etik aurrera jaiotako parte hartzaileek 600 euroko saria irabazteko aukera edukiko dute. Iaz, kategoria horretan, Josu Ximun Billabeitiak irabazi zuen, Euria lanagaz. Baina aurtengo edizioak berrikuntza bat dakar: Antzar Morea saria. “Udaleko Berdintasun batzordeak, genero ikuspegia hoberen txertatzen duen lana sarituko du Antzar Morearekin”. Beraz, sari horrekin, emakumearen presentzia zenbatekoa izan den kontuan hartuko da aurten. Antzar Morea jasotzeaz gain, sari horren irabazleak 500 euro ere eskuratuko ditu.
Aurten, estreinako, Antzar Morea saria banatuko dute; genero ikuspegitik aztertuko dute lanak Udaleko Berdintasun batzordeko kideekLanak aurkezteko modua ere aldatu egin da aurten. Izan ere, aurten, filmak online aurkeztu beharko dira, Uptofest plataformaren bidez (www.uptofest.com). Dena den, zuzeneko informazio jasotzeko, telefonoak eta posta elektronikoa zabaldu ditu Euskal Zine Bilerak: 94-624 34 82/656 72 81 07 eta zinebilera@zinebilera.com. Horrez gain, www.zinebilera.com webgunean ere informazio guztia dago. Oinarriak
