Artibai Mendigoizale Taldeak Ingurumen Batzordean egindako eskaerari erantzunez Markina-Xemein inguruko mendi-bide sarea jasotzen duten informazio panelak ipini ditu Markina-Xemeingo Udalak Arkupean eta autobus geltokian.
Hamabost bidek osatzen dute Markina-Xemein inguruko mendi sarea: hamaika ibilbide laburren sarean daude, eta beste lau, ibilbide luzeen sarean. Ibilbide laburren sareko hamaika bideetatik hamar 1996tik daude homologatuta. Artibai Mendigoizale Taldeak 50 urte bete zituenetik.
Ibilbide guztiak Markina-Xemeindik abiatzen dira, PR BI -21 izan ezik, mugan dagoen Berriatuan baitago, eta guztiak daude euren artean loturik, GR 121 (Bizkaiko bira)/123 (Gipuzkoako bira) eta GR38.1 (arrainaren eta ardoaren ibilbidea) bidezidorren bidez. Zortzi ibilbideotatik seirek Markina-Xemeingo Goiko Portalean daukate abiapuntu nagusia, Hiribilduaren Monumentuen Multzo barruan.
