Munitibarko elizan emakume biluzi baten argazkia atera izana "erakusketa baten parte" dela azaldu du Ube eskultoreak
Jose Angel Uberuaga Ube eskultore Munitibartarra “erabat harrituta dago”. Munitibarko elizan emakume biluzi baten argazkia atera izana “erakusketa baterako” dela azaldu du eskultoreak. “Erakusketa horrek emakumeek gaur egun duten egoera azaldu nahi du. Ez kontrakoa”. Irudia lau haizetara zabaldu da eta komunikabide ezberdinek hainbat titular eman dituzte. “Nik akats bat egin dut: elizari baimenik ez eskatzea. Eta hori onartzen dut. Eta barkamena eskatu diot gaur [ekainak 10] Bilboko Gotzaintzari, telefonoz. Ikuspuntu ezberdinak ditugu eta nik ulertzen dut haiek haserre egotea. Baina nik nire pentsamoldea daukat”, azaldu du Ube eskultoreak.
Erakusketa, berez, urrian aurkeztu behar zuela aurreratu du. “Dena den, atzeratu egingo naiz eta 2015eko martxoan argitaratuko dut, Emakumeen Langileen Naziorteko Egunaren bueltan”. Denaren gainetik, artistak argi utzi nahi izan du zabaldu den argazkia “artelan baten parte” dela. “Erakusketak emakumearen hainbat alor ikutzen ditu. Nire asmoa ez zen elizaren aurka joatea. Eta batzuk irudia gogorregia dela diote. Baina hori ikuspuntuen araberakoa da”.
Argazkia duela urte bat ataratakoa dela egiaztatu du. “Interneten egon da argitaratuta, eta herriko baten batek, eliza ezagututa, zabaldu egin du. Nik onartzen dut nire akatsa, baina erakusketa horrekin aurrera jarraituko dut”. Gainerako materialari dagokionez, oraindik argia ikusi ez duten beste argazki batzuk “gogorragoak” direla azaldu du Ubek. “Irudi hori eliza barruan atarata egon ordez beste lekuren baten atarata egongo bazen, ez nuen internetetik ezabatuko. Baimena ez dudanez eskatu, onartu egiten dut eta kendu egin dut”.
Albisteak zalaparta handia eragin duela eta, zur eta lur dagoela dio. “Hainbat hedabide datoz nire etxera, albistearen harira”. Horrez gain, beste lagun askoren babesa ere jaso duela esan du. “Hainbat mezu bidali dizkidate askok, beste artista batzuk ere bai, irudiak oso onak direla esateko eta euren babesa emateko”.
Herritarrengandik ostera, ez duela babes hori jaso esan du. “Batzuk ez dira gai metro erdi baino haratago ikusteko. Herriko apaizarekin ere berba egin dut, eta minduta badago ere, elkar ulertzen saiatu gara”.
Beste alde batetik, Bilboko Gotzaintzak irudi horiek atera izana sakrilegio ekintza dela esan du.
Hona hemen gainerako argazkiak:
Erakusketa, berez, urrian aurkeztu behar zuela aurreratu du. “Dena den, atzeratu egingo naiz eta 2015eko martxoan argitaratuko dut, Emakumeen Langileen Naziorteko Egunaren bueltan”. Denaren gainetik, artistak argi utzi nahi izan du zabaldu den argazkia “artelan baten parte” dela. “Erakusketak emakumearen hainbat alor ikutzen ditu. Nire asmoa ez zen elizaren aurka joatea. Eta batzuk irudia gogorregia dela diote. Baina hori ikuspuntuen araberakoa da”.
Ube eskultorea.
