Euskal presoak Euskal Herriratzeko egindako
eskaerei ezezkoak ematen hasi dira. Euskal Preso Politikoen Kolektiboko kide gehienek —500 bat presok— eginak dituzte eskaerak, eta batzuk hasi dira erantzunak jasotzen: ezezkoak. Alfontso Zenon eta Maritxu Paulus abokatuek jakinarazi dute
20 bat presok jaso dutela espetxeen ezezko erantzuna.
Erantzunak zeharka jaso dituzte: sei hilabetean behin berrikusten du Espainiako Espetxe Zuzendaritzak preso bakoitzaren egoera, eta berrikuspen horietan ari zaizkie ezezkoa ematen.
«ETA ez dela desegin eta presoek ez dutela harekiko loturarik hautsi» argudiatu dute sakabanaketa amaitu eta Zaballako kartzelara eramateko eskaerak ukatzeko.
Helegiteak lantzeari ekingo diote orain abokatuek. Batzuenak aurkeztu dira dagoeneko: oso gaixotasun larriak eta egoerarik muturrenekoetan dauden
Ibon Iparragirre, Txus Martin eta Aitzol Gogorza askatzeko eskatuz helegiteak aurkeztu dituzte Espetxe Zaintzarako Zuzendaritzan, eta
Ventura Tomeren zigorra eteteko eskatuz.
Bestalde, Frantzian dauden euskal preso gehienek ere egin dituzte etxetik gertuen dauden presondegietara eramateko eskaerak. Horiek ez dute erantzunik jaso, baina, proposamena egin zutenetik bi hilabete igaro dira.
Euskal presoak Euskal Herriratzeko egindako eskaerei ezezkoak ematen hasi dira. Euskal Preso Politikoen Kolektiboko kide gehienek —500 bat presok— eginak dituzte eskaerak, eta batzuk hasi dira erantzunak jasotzen: ezezkoak. Alfontso Zenon eta Maritxu Paulus abokatuek jakinarazi dute 20 bat presok jaso dutela espetxeen ezezko erantzuna.
Erantzunak zeharka jaso dituzte: sei hilabetean behin berrikusten du Espainiako Espetxe Zuzendaritzak preso bakoitzaren egoera, eta berrikuspen horietan ari zaizkie ezezkoa ematen.
