Jaien hasiera: jaitsiera, pregoia eta txupinazoa

https://www.youtube.com/watch?v=AudZPlib820&feature=youtu.be Urtero modura, mozorroak jantzi eta kalejira alaian egin dute "bajada" herriko kuadrillek. Lekitto Musika Bandak eta Aittitta Makurra eta Ardoa Barrura txarangek lagunduta agertu dira jaiaren erdiguneraino. Udaletxe aurreko plazan itxaron diote, gero, jaietako protagonistari: Anterori.

Lea-Artibai eta Mutriku

2014/09/01

Urtero modura, mozorroak jantzi eta kalejira alaian egin dute “bajada” herriko kuadrillek. Lekitto Musika Bandak eta Aittitta Makurra eta Ardoa Barrura txarangek lagunduta agertu dira jaiaren erdiguneraino. Udaletxe aurreko plazan itxaron diote, gero, jaietako protagonistari: Anterori. Era askotako mozorroak ikusi ziren herri erdiko enparantzan baina aurtengo saria Oestekoentzat izan da. Kanpai hotsa entzunda, sanantolinak ospatzera itzuli da beste urte batez Antero. Kanpandorretik udaletxerako tartea egin du jada eta datorren astelehenera arte sanantolinak ospatzen ibiliko da herritarrekin batera. Balkoira ailegatu bezain laster gozokiak banatzen hasi zen bertatik. Irene Uribe, Ana Mari Uribe eta Ana Dani Zugadi andereñoak irten dira aurten udaletxeko balkoira txupina piztu eta pregoia botatzera. Resurreccion Maria Azkue Ikastolaren ordezkariek ikastolaren 50. urteurrena izan dute gogoan.

Alkondara Zuri eta Amnistia Eguna Txupina piztuta, jaiak ez du etenik izango aste betez. Bihar, gainera, jaietako egun handia ospatuko dute lekeitiarrek, San Antolin Eguna, eta egun osoko egitaraua izango dute horretarako. EGITARAUA: Irailak 2, martitzena

09:00 Akordeoi-joleen kalejira.
10:15 Agintarien prozesioa. Lekeitioko alkate eta zinegotzi jaun-andreak udaletxetik eleizaraino joango dira, Lekitto musika bandeak lagunduta.
Gero Meza Nagusia, Eleizako koruak abestuta.
11:00 XV. tiragoma txapelketa limoneruetan. Aittitta Txikik antolatuta. (Parte hartzeko izena emotea: 10:30ean)
13:00 Lekitto musika bandearen kontzertua plazan. (Zuzendaria: Urtzi Iriondo).
17:00 Akarregi torneoko esku pelota partiduak Santi Brouard frontoian.
18:00 XI. txapel jaurtiketa plazan. (Parte hartzeko izena emotea: 17:30ean)
20:00 Bertsolariak udaletxe aurrean: Amets Arzallus, Alaia Martin eta Unai Iturriaga.
Ondoren Mariachi Imperial Elegancia Mexicana mariatxien kalejira, Uribarren kaletik hasita.
23:00 Su artifizialak Valecea pirotekniaren eskutik.
Ondoren Kontzertua plazan, Mariachi Imperial Elegancia Mexicana taldearen eskutik eta suzko zezena.