Aittitta Txiki taldeak antolatuta
18. Bakailao eta 20. Paella txapelketak lehiatu dira gaur goizean eta lehen orduetatik ibili dira herritarrak lekua hartu eta jana prestatzen. Urtero modura, gehiago izan dira paella egitera animatu direnak.
57 paella eta zortzi bakailao kazola aurkeztu dira lehiaketara.
Itxura ederreko jakiak prestatu dituzte parte hartzaileek, apainketan ere ahalegina eginda. Baina, azken berbea
Jose Antonio Bastegietak,
Agurtzane Eizagirrek eta
Koldo Arazosak osatutako epaimahaiak izan du, eta itxuragaz gainera beste hainbat detaile ere izan dituzte kontuan, zaporea, kolorea eta puntua besteak beste. Horrela, bakailao onena
Antonio Palacios gernikarrarena izan da, 64 puntugaz, bigarren eta hirugarren saria anaiek eraman dute 60 punto eta erdi eta 56 punto eta erdigaz, laugarren saria
Tximista taldearentzat izan da 48 puntugaz, bosgarren bakailao onena
Txalapartakoek egin dute 44 puntu eta erdi lortuta,
Lior Itxaso seigarren geratu da 40 puntu eta erdigaz,
Danok taldeak zazpigarren 40 puntugaz eta
Dzi-Pla-rentzako izan da zortzigarren postua 37 puntu eta erdigaz.
Paellari dagokionez,
Tutiliklas kuadrillak eraman du sari nagusia,
Beti Prest-ekoak geratu dira bigarren eta
Alicia eta Estherrentzat izan da hirugarren saria.
Epaimahaiak erabakia hartuta, janaria egin duten lekuan bertan bazkaltzeko aukera izan dute herritarrek. Danetara,
504 lagun batu dira eguerdian arbolen edo eguzkitako azpien babesean bazkaltzera.
Kontzertua
Herritar batzuk jakiak prestatzen zituzten bitartean beste askok Itxaropena txistularien kontzertuagaz gozatzeko aukera izan dute. Eskolapea bete-bete egin da txistu, dantza eta kantu saioa ikusi eta entzuteko. Herritarrek abestuz jarraitu dituzte Itxaropenakoek txistuekin eskainitako doinuak, eta dantzekin ere osotu dute emanaldia.
Agur Jaunak abestu dute guztiak batera amaitzeko.
San Antolin sari berezia
Oier Elorriagaren omenezko XIII. memoriala lehiatu da eskualdeko kostaldean zehar Lekeitialde txirrindulari taldeak antolatuta. Kadete mailako 50 txirrindularik 62 kilometro egin dituzte eta helmugaratzen lehenengoa Autos Nervion taldeko Iñigo Elosegi izan da. Bigarren postua Busturiako Basati Bike taldeko Aritz Zabalak eskuratu du eta hirugarrena Gaursa taldeko Peru Barañano izan da. Herriko lehenengoa Lea-Artibai taldeko Gorka Aldazabal izan da, lasterketan laugarrena, eta Busturiako Basati Bike izan da nagusi taldeka.
Lekeitialdek Irailaren 1ean ere eskolarteko proba antolatu zuen Lekeitialdek Santa Katalinan eta Bizkai osotik etorritako 160 txirrindulari gaztek hartu zuten parte. Zazpi lasterketa desberdin egin zituzten adinaren arabera antolatuta.
Parkean ere Biodantza eta body-painting-a egon dira Txosnak antolatuta, giro onean.
ARGAZKI GALERIA [nggallery ID=189]
