Ondarroako Udalak eta
Elkar argitaletxeak sustatzen duten
Agustin Zubikarai XIV. Sarirako lanak hile amaiera arte aurkez daitezke. Nobelak sortzeko bekak “
Euskal kultura aberastea eta idazleen lana bultzatzea” du helburu. Sariketara
euskara hutsean sortutako proiektuak aurkez daitezke. Era berean, lan horiek jatorrizkoak, beste inondik moldatu gabeak eta aurretik saririk jaso edo argitaratu gabeak izan beharko dute.
Partaideek eleberriaren argumentua, egitura, luzera eta estiloa zehaztu, eta idazlanaren eraskugarri bat aurkeztu beharko dituzte
Epe horretarako Agustin Zubikarai Sarian parte hartu nahi duen
idazle bakoitzak landu nahi duen kontakizunaren azalpena aurkeztu beharko du
mrey@ondarroakoudala.net helbidera idatzita. Posta elektronikoan atxikitatako dokumentuetan, alde batetik,
2.600 karaktere baino gutxiagoan eleberriaren argumentua, egitura, luzera eta estiloa zehaztu beharko dira, hurrenez hurren. Beste alde batetik,
15.000 eta 40.000 karaktere bitarteko idazlanaren lagin edo erakusgarri bat aurkeztu beharko ditu idazle bakoitzak. “Ez du zertan nahitaez kontakizunaren hasierakoa izan behar, baina bai zati bakarra osatzen duena”, azpimarratu dute antolatzaileek.
Ana Urkiza eta Leire Bilbao idazle ondarrutarrek eta Xabier Mendigurenek osatutako epaimahaiak jasotako proiektu guztiak aztertu ostean,
2014ko urriaren 31 baino lehen izendatuko du aurtengo irabazlea. “Aurkeztutako lanek behar adinako kalitaterik ez dutela iritziz gero, beka eman gabe laga dezake epaimahaiak”, gaineratu dute sariketaren arduradunek. Irabazleak,
sari legez, 6.000 euro jasoko ditu Ondarroako Udalaren eskutik; kopuru horren erdia irabazle izendatu ostean jasoko ditu irabazleak, eta beste erdia, amaitutako idazlana entregatu eta epaimahaikoek onespena emandakoan.
Ondarroako Udalari nobela saritua amaituta helarazteko, gehienez, urtebeteko epea izango du irabazleak
Irabazleak izendapena jaso eta urtebeteko epea izango du, gehienez, idazlan amaitua Ondarroako Udalari helarazteko. “Nobelaren luzera aldez aurretik zehazten zaila bada ere, gutxienez 150.000 karakterek liburua osatzeko adina izan beharko du. Lana amaitu eta bitarte horretan egileak hasierako proiektua aldatu nahi izango balu, epaimahaikoei jakinarazi beharko die aldaketaren berri eta haien onespena jasotzeko. Horrez gain, lanaren martxaz jakinaren gainean edukiko ditu antolatzaileak”.
Argibide gehiago nahi izanez gero, Ondarroako Udaleko euskara zerbitzuan (94 683 36 68 telefonora deituta edota mrey@ondarroakoudala.net posta elektronikora idatzita)
edo Elkar argitaletxean (943 31 02 67 telefonoan edo liburuak@elkar.com helbidera idatzita)
eska daitezke.
Ondarroako Udalak eta Elkar argitaletxeak sustatzen duten Agustin Zubikarai XIV. Sarirako lanak hile amaiera arte aurkez daitezke. Nobelak sortzeko bekak “Euskal kultura aberastea eta idazleen lana bultzatzea” du helburu. Sariketara euskara hutsean sortutako proiektuak aurkez daitezke. Era berean, lan horiek jatorrizkoak, beste inondik moldatu gabeak eta aurretik saririk jaso edo argitaratu gabeak izan beharko dute.
