Giro onean hasi dira Mutrikuko Samikolla auzoko San Nikolas jaiak

Lea-Artibai eta Mutrikuko Hitza

2014/09/08

Auzotarrak txanpainarekin brindisa egiten

Mutrikuko Samikolla auzo batzordeko kideak pozik agertu dira. Izan ere, zapatuan, aspaldikorik jende gehien ibili zen jaietako lehen egunean. Zapatuan, 13:00etan udaltzainak txupina jaurti eta gero, jaiak eztanda egin zuen Samikollan. Ohikoa bihurtu den bezala, auzotarren brindisak eman zien hasiera ofiziala jaiei. “Auzokide, zein antolatzaile, guraso, aiton-amonak, umeak… auzotar danok batzen gara brindisa egiten”, azaldu zuten auzoko jaien antolatzaileek. Jaiarekin hasi eta gero, eguraldi ona lagun, auzo bazkarian 60 bat lagun batu ziren. Bazkalostean, lehen aldiz, gitarraren doinuak lagun, euskal kantak abesten aritu ziren Samikollako auzotarrak. “Kanturreua egitekotan ibili gara urte askoan, eta aurten asmatu egin dugula uste dugu. Oso arrakastatsua izan da. Batez ere, auzoko nagusientzako oso polita izan da. Izan ere, Mutrikun eta Euskal Herriko toki askotan bazkaldu eta gero kantatzeko ohitura handia dago, eta auzotar guztiok oso gustura aritu gara kantuan elkarrekin”, gaineratu zuten antolatzaileek.

Kanturreuan gustura ibili ziren Samikollako auzotarrak

Kanturreua oraindik ere amaitzeko zegoela zezen txikiak hasi ziren, 18:00etan. Urtero bezala, herri guztiko gaztetxoak zezen txiki, pottoka eta basurde txikiarekin gozatzen aritu ziren. Bien bitartean, Samikollara hurbildu ziren gaztetxo guztiek meriendatzeko aukera ere izan zuten jai batzordearen eskutik. Kanturreuaz gain, aurten beste berritasun bat ere izan da aukeran Samikolla auzoko jaietan. 20:00etan bertso musikatua egin zen lehen aldiz. Gitarrak eta biolinak lagunduta bertsotan aritu ziren Beñat Gaztelumendi, Miren Amuriza eta Xamoa. “Sekulako arrakasta izan da. Mutrikun bertsozale asko daude, eta jende pila batu da bertso musikatua ikusten. Jendea oso gustora geratu da”. Gaua musikarekin agurtu zuten Samikollan. Ezten giro eta DJ Elepuntoren doinuen soinura. Jaia goizeko 04:00ak arte luzatu zen.

Giro onean hasi dira Mutrikuko Samikolla auzoko San Nikolas jaiak

Bizkaia

Justizia Anderrentzat plataformak salatu du oraindik badaudela «erantzule diren polizia eta arduradun politikoak»

Euskal artista gazteen saretzea bistaratu du ‘Ertibil Bizkaia’ erakusketak Bilbon

Onintza Enbeita: «Bertsolari moduan sekula jaso dudan maitasun erakustaldirik handiena da pregoilari izatea»

Ezinbesteko andre ahaztuak

Espetxeratu dute Getxon sexu eraso bat egitea leporatuta atxilotu zuten gizona

Santurtziko udaltzainburuak dimisioa eman du, bi auzi ikerketapean egonda

Cake Minuesa eskuin muturreko probokatzaileari erasotzea leporatzen diote atzo atxilotutako gizonezkoari

Subflubialari Ez plataformak «gardentasuna» eskatu du itsasadar azpiko errepidearen proiektuaren inguruan

Bihar zabalduko dute Deustu eta Txorierri lotzen dituen tunela

Bizkaiko golkoan hasiak dira goi tentsioko linearako kablea jartzen

Gizon bat atxilotu dute Zornotzan hil zen txirrindulariaren harrapaketa dela eta

Ur eskasia dela eta, zisterna kamioiak eramanen ditu Bizkaiko Foru Aldundiak Karrantzara

Gizon bat atxilotu dute Getxon, kalean emakume bati sexu erasoa egiten harrapatuta