Gizaburuagako lehen txapel jaurtiketak herritar piloa batu du
https://www.youtube.com/watch?v=BuwnITh86Gk&feature=youtu.be Inguruetako herri askotan egin legez, Andra Mari jaiak ospatu dituzte egunotan Gizaburuagan. Herriko jai nagusiak atzo hasi baziren ere, gizaburuagatarrek gaur ospatu dute jaietako egun handia.
Inguruetako herri askotan egin legez, Andra Mari jaiak ospatu dituzte egunotan Gizaburuagan. Herriko jai nagusiak atzo hasi baziren ere, gizaburuagatarrek gaur ospatu dute jaietako egun handia.
Goizeko mezaren ostean, Joseba Andoni eta Mikel trikitilariek girotu dituzte herriko txokoak. Trikiti soinuek giroa ederto alaitu ostean, herriko lehen txapel jaurtiketa egin dute probalekuan. Adin guztiko herritarrak aurkeztu dira; denetara, 34 gizon-emakume. Txapel jaurtiketan parte hartu dutenek, derrigorrean, txapela probalekuko marra artean sartu behar izan dute. “Handik kanpora atera diren txapelen markak ez ditugu kontuan hartu”, azaldu dute lehiaketako antolatzaileek.
Gizaburuagako Aimar Okamika gazteak irabazi du herriko lehen txapel lehiaketa. Pozik agertu da Okamika. “Espero gabeko garaipena izan da”, azaldu du pozik. Sari legez, Herriko tabernan bi pertsonentzako afaria edo bazkaria irabazi du. Irabazleak alkatearen eskutik sari jaso ostean, Mañukorta eta Zeberio nagusien herri bazkarira joan aurretik bertsotan aritu dira.
Herriko tabernan egin den nagusien bazkaritan, guztira, 13 lagun batu dira. Zeberio eta Mañukorta ere, herritarrekin bazkaltzen egon dira. Bazkaritan hasi aurretik, mahaian eserita zeudenei bertso bana eskaini dizkie bertsolariek, “bazkaria ondo baino hobeto bedeinkatzeko”. Eguna tortilla txapelketagaz amaitu dute. Bihar, Oibarko amaren eguna ospatuko dute.
Gaurko egitaraua
Aimar Okamika lehen txapel lehiaketako irabazlea, txapela jaurtitzen
Zeberio eta Mañukorta bertsotan
- 11:30. Meza Oibarko ermitan.
- 12:00. Hamaiketakoa Naiara trikitilariak alaituta.
- 17:00. Ehunzangoren eskutik, umeentzako jolasak.
- 17:30. Mus txapelketa. Izen ematea: 15 euro.
- 20:30. Bolanderak eta txokolatea.
