Euskal flotak hegaluze kanpainan jarraitzen du, Espainiak antxoarekin zer egin erabaki arte
Bihar [irailak 12] Espainiako Arrantza Ministerioagaz batu ostean, eta «harek zer esaten edo erabakitzen duenaren arabera», euskal arrantzaleek Galizia aldera antxoa arrantzatzera joan edo ez erabakiko dute.
Bizkaiko, Gipuzkoako eta Kantabriako arrantzale kofradietako kide eta lehendakariak antxoeta irekitzearen aurka agertu dira. Modu berean, Espainiako Gobernuak antxoaren kostera zabaldu izana ez du begi onez ikusten Ondarroako Kalare Deuna Kofradiako lehendakariak. Espainiako Nekazaritza, Elikadura eta Ingurumen Ministerioak hartutako erabakiaren aurka agertu da Eusebio Arantzamendi, lehendakaria. “Antxoa kostera irekitzearen alde Espainiako Gobernuak hartu duen erabakiagaz ez gaude ados, kofradia modura. Horrek guztiak, datorren urterako dagoen antxoa kosterari eragin zuzena egingo diola uste baitugu. Izan ere, oraindik ere, 2015erako ez dakigu ze kopuru emango duten. Hortik orain kentzen hasteak, kezkatu egiten gaitu. Gainera, udabarri ingururako kosterarako antxoa uztea onena izaten da. Jateko ere hobea izaten da eta!”.
2014ko antxoa kosteran 15.000 tona baimenduta egon dira, eta aurten antxoa asko harrapatzen egon direnez, neurri modura egun bitik behin joan dira arrantzara Ondarroako txalupak.
Arrantzu gutxi
Bestalde, asteon arrain gutxi porturatu da Ondarroako Egidazu kaian; sardinak eta betandiak besterik ez. “Baxurako arrantzaontziei dagokionez, astea nahiko makal joan da, arrain gutxi ibili da inguruotan. Batez ere, sardina sartu da, 4.000 kaxa inguru”, azaldu zuten Kalare Deuna Kofradiako kideek, atzo goizeko bentaren ostean.
Porturatu den sardina apurra, gainera, “nahiko merke” saldu da; 1,40 euro azpitik ibili da. Asteon sartutako sardina kopuruaz gain, gaur [irailak 11] eguerdian, 14:00etan, Kantabriako arrantzaleek beste 1.600 kaxa sardina porturatu zituzten.
Baxurako arrantzaleek aste eskasa eduki badute ere, amuko arrantzaleak hobeto ibili direla azpimarratu dute gaur Ondarroako portuan. Joan den astean modura, legatz nahikoa arrantzatu dute asteon amuko arrantzaleek.
2014ko antxoa kosteran 15.000 tona baimenduta egon dira, eta aurten antxoa asko harrapatzen egon direnez, neurri modura egun bitik behin joan dira arrantzara Ondarroako txalupak.
Arrantzu gutxi
Bestalde, asteon arrain gutxi porturatu da Ondarroako Egidazu kaian; sardinak eta betandiak besterik ez. “Baxurako arrantzaontziei dagokionez, astea nahiko makal joan da, arrain gutxi ibili da inguruotan. Batez ere, sardina sartu da, 4.000 kaxa inguru”, azaldu zuten Kalare Deuna Kofradiako kideek, atzo goizeko bentaren ostean.
Porturatu den sardina apurra, gainera, “nahiko merke” saldu da; 1,40 euro azpitik ibili da. Asteon sartutako sardina kopuruaz gain, gaur [irailak 11] eguerdian, 14:00etan, Kantabriako arrantzaleek beste 1.600 kaxa sardina porturatu zituzten.
Baxurako arrantzaleek aste eskasa eduki badute ere, amuko arrantzaleak hobeto ibili direla azpimarratu dute gaur Ondarroako portuan. Joan den astean modura, legatz nahikoa arrantzatu dute asteon amuko arrantzaleek. 
