Bariku gaueko kontzertua.
Musika zaleak elkartu ziren atzo gauean
Heriotza Bizi Truk Markina-Xemeingo talde gaztea,
2 Bala,
Mc Onac lekeitiarrak eta
Gose entzuteko. Giro ona izan zen nagusi eta martxa ederra jarri zuten taldeek.
Kontzertuek bete bazuten atzo gauean Arretxinagako plaza gaur, berriz, bizikleta zaleak izan dira. 10:00etan irten dute Arretxinagatik mendi bizikleta martxakoek inguruko mendietan zehar ibiltzeko. Hiru ibilbide izan dituzte aukeran, 26, 35 eta 46 kilometrotakoak, eta nahikoa txirrindulari izan dira luzeenera animatu direnak.
BTT martxako parte hartzaileak.
Eguerdirako joan dira agertzen, berriz ere plazara, txirrindulariak. Laburretakoak agertu dira lehenengo, “gustura”, eta ertainekoren bat ere tartean. “
Polita baina gogorra” izan dela esan dute luzeenekoek amaieran.
Aldapetan gora eta behera, erorketaren bat ere izan da ibilbidean, parte hartzaileetako pare bat, gainera, galdu ere egin dira, baina, berehala joan dira euren bila antolatzaileak. Egindako ahaleginaren sari modura,
gazta zati bat eraman dute BTT martxako guztiek etxera.
Lea-Artibai eta Mutrikuko txirrindulariez gain, Deba, Atxondo, Zornotza, Bilbo eta Elgoibarko bizikleta zaleek ere hartu dute parte, besteak beste, Arretxinagako BTT martxan. Danetara 95 izan dira.
Gaztetxoen martxa
Nagusiagoak mendian zehar zenbiltzala egin dute martxa 7 urtetik gorakoek. Arretxinagatik Goitxira eta handik beherantz Barroeta dorrearen atzetik buelta osoa eman dute guztiek batera. Arretxinagatik igaro ondoren, Ituartenerantz hartu dute Bolurantza joateko, gero, San Jazinton zehar, suhiltzaileetara heldu dira eta handik Axperantz jo dute. Axpen buelta eman eta San Jazintorantz itzuli dira txirrindulariak Ituartenetik bueltan Arretxinagara joateko. 7 kilometroko martxa aukeratu dutenek bertan amaitu dute ibilaldia, 12 kilometrokoek, berriz, aurrera jarraitu dute bigarren buelta egiteko. Ostera ere Goitxira joan dira eta handik gorantz egin dute Barroetatik bueltan Arretxinagara itzultzeko. Bigarren bueltan aldapa gogorragoak aurkitu dituzte eta goitik behera luzeagoak, hala ere, gogoz ibili dira txirrindulari gazte eta nagusiagoak, ilusioz beteta.
7 urtetik gorakoen bizikleta martxa.
Martxen amaieran, janariz eta edariz betetako mahaiak aurkitu dituzte plazan parte hartzaile guztiek; asko eskertu dituzte.
Musa eta briska
Mutrikuko taldekoak Arretxinagako oholtzan saria hartzen.
Eguerdirako tartea eginda,
arratsaldean hasi da berriz, San Migel jaietako martxa. 16:30ean hasi da
Artibaiko, Aurrerako eta Mutrikuko beteranoen arteko triangeluarra Barroeta futbol zelaian. Aurten Mutrikuko taldeak irabazi du hiruren arteko triangeluarra. Bigarren Ondarroako Aurrera taldeko beteranoak geratu dira eta hirugarren, berriz, etxekoak, Artibaikoak.
Barroetako jokoaz gain karta jokoa egon da Arretxinagan bertan.
Mus eta Briska Txapelketak jokatu dira plaza bete mahaietan. Danetara, 36 bikote ibili dira musean, eta 21, ostera, briskan. Mari Tere Aulestiarte eta Mari Carmen Arrate izan dira Briska Txapelketako irabazleak.
Karta jokoak bezala,
tiragoma txapelketak ere lagun asko bildu ditu. Probalekuan prestatu dute ume, gazte eta nagusien arteko norgehiagoka, eta Patxi Ugartetxea eta Felix Larrinagaren artean apurtu behar izan dute berdinketa. Azkenean, Larrinagak eraman du txapeldunarentzako zen pernila.
Briska txapelketako irabazleak Mari Tere Aulestiarte eta Mari Carmen Arrate.
gunari amaiera emateko,
23:00etan erromeria egon da
3 Gabe 2 taldearen eskutik.
