Zapatu iluntzeko txupinazoarekin hasi ziren Mutrikuko Mijoa auzoko San Jeronimo jaiak. Urtero bezala, auzotarrak gogotsu batu ziren jai giro ederrean. Behin jai giroan sartuta, 70 bat lagun bertso afaritan batu ziren. “Giro ederra egon zen bertso afarian”, azaldu dute jai batzordeko kideak.
Sebastian Lizaso eta Iker Zubeldia zein baino zein hobeto aritu ziren bertsotan, “nahi ez amaituta”. Bi bertsolariak 01:30ak ingurura arte bertsotan ibili ziren, afaritan batu ziren guztien gozamenerako.
Sekulako gau giro ederrarekin, afaritik irten eta erromeriarekin jarraitzeko prest egon ziren auzotarretako asko.
DJ Burgañak denetariko musika ipini zuen, eta erromerian egon zirenek gerriak ederto astindu zituzten. Erromerian goizaldeko ordu txikiak arte geratu zirenek primeran pasa zuten, eta txokolatadarekin amaitu zuten parranda.
Domekan, aldiz, meza eta gero, auzotarren arteko jolasak eta herri kirolak egin ziren. Urtero modura
auzoko gazte zein nagusiak batu ziren herri kiroletan. Txikienak lokotx batzen eta aritu ziren, eta nagusiagoak trontzan, txingan eta lasto jaurtitzen ere ibili ziren, denak ere giro ederrean, eguraldi ezin hobearekin. Herri kirolak egin bitartean, gainera, umeentzako puzgarriak ere ipini zituzten estrainekoz. Hainbeste gaztetxo poz-pozik ibili ziren puzgarrietan jolasean.
Herri kiroleetan barre batzuk bota eta gero, auzotarrek bapo bazkaldu zuten auzo bazkarian. Mutrikuarrek azken orduak atseden hartzen pasa dituzte, bihar ospatuko den San Jeronimo egun handirako indar berrituta egoteko.
Bihar, gainera,
San Jeronimo eguneko ospakizunera joateko autobus zerbitzu berezia egongo dela ere jakinarazi du Mutrikuko Udalak. “Herritarren bertaratzea errazteko asmoarekin autobus zerbitzu berezia antolatu du Udalak. Txanbolingo paradatik aterako da autobusa goizean, eta jaia amaituta bueltarako aukera ere egongo da”, azaldu dute.
Autobusak
11:00etatik 11:30era bitartean Mijoa auzorantz aterako dira
Txanbolingo geltokitik. Eta
bueltarako,
13:30etik 14:00era bitartean ariko da autobusa martxan. Bidaia bakoitzak
50 zentimo balioko ditu.
SAN JERONIMO EGUNEKO EGITARAUA
- 11:00. Meza.
- Ondoren. Kañamares anaien eskutik, herri kirolak.
- 17:00. Umeentzako jaialdia; pailazoak, Ibiriko abereak…
- Jaiei amaiera emateko. Erromeria berezia DJ SanJerekin.
- Azkenik. Errifen zozketa.
Argazki galeria [nggallery ID=199]
Zapatu iluntzeko txupinazoarekin hasi ziren Mutrikuko Mijoa auzoko San Jeronimo jaiak. Urtero bezala, auzotarrak gogotsu batu ziren jai giro ederrean. Behin jai giroan sartuta, 70 bat lagun bertso afaritan batu ziren. “Giro ederra egon zen bertso afarian”, azaldu dute jai batzordeko kideak. Sebastian Lizaso eta Iker Zubeldia zein baino zein hobeto aritu ziren bertsotan, “nahi ez amaituta”. Bi bertsolariak 01:30ak ingurura arte bertsotan ibili ziren, afaritan batu ziren guztien gozamenerako.
Sekulako gau giro ederrarekin, afaritik irten eta erromeriarekin jarraitzeko prest egon ziren auzotarretako asko. DJ Burgañak denetariko musika ipini zuen, eta erromerian egon zirenek gerriak ederto astindu zituzten. Erromerian goizaldeko ordu txikiak arte geratu zirenek primeran pasa zuten, eta txokolatadarekin amaitu zuten parranda.
Domekan, aldiz, meza eta gero, auzotarren arteko jolasak eta herri kirolak egin ziren. Urtero modura auzoko gazte zein nagusiak batu ziren herri kiroletan. Txikienak lokotx batzen eta aritu ziren, eta nagusiagoak trontzan, txingan eta lasto jaurtitzen ere ibili ziren, denak ere giro ederrean, eguraldi ezin hobearekin. Herri kirolak egin bitartean, gainera, umeentzako puzgarriak ere ipini zituzten estrainekoz. Hainbeste gaztetxo poz-pozik ibili ziren puzgarrietan jolasean.
Herri kiroleetan barre batzuk bota eta gero, auzotarrek bapo bazkaldu zuten auzo bazkarian. Mutrikuarrek azken orduak atseden hartzen pasa dituzte, bihar ospatuko den San Jeronimo egun handirako indar berrituta egoteko.
Bihar, gainera, San Jeronimo eguneko ospakizunera joateko autobus zerbitzu berezia egongo dela ere jakinarazi du Mutrikuko Udalak. “Herritarren bertaratzea errazteko asmoarekin autobus zerbitzu berezia antolatu du Udalak. Txanbolingo paradatik aterako da autobusa goizean, eta jaia amaituta bueltarako aukera ere egongo da”, azaldu dute.
Autobusak 11:00etatik 11:30era bitartean Mijoa auzorantz aterako dira Txanbolingo geltokitik. Eta bueltarako, 13:30etik 14:00era bitartean ariko da autobusa martxan. Bidaia bakoitzak 50 zentimo balioko ditu.
SAN JERONIMO EGUNEKO EGITARAUA
