Ekimenez eta sentipenez betetako omenaldia egingo diote ondarrutarrek
Bitxore Laka Guenagari. Hurrengo egunetan, Bitxore zena gogora ekarri, hobeto ezagutu edota harekin bizitako pasarte ugari gogoratuko dituzte haren senide, lagun, herritar, ezagun eta ikasle ohiek.
Egingo diren ekintzen artean lehena, erakusketa izango da. Uxu Ondarroako Emakumeen Taldeak antolatuta, urriaren 3tik aurrera, Alamedako udal
erakusketa aretoan Bitxorek bere bizitza osoan egin zituen
hainbat artelan egongo dira erakusgai. “Erakusketa osatzeko berak egindako hainbat artelan jaso dira handik eta hemendik. Senideen zein Bitxore zenaren etxean batu diren beharrak erakutsiko dira”, azaldu dute omenaldiaren antolatzaileek. Denetarik ikusi ahal izango da: zeramikak, marrazkiak, buruhandiak… Baina den-denetan Bitxore zenaren esentzia sentitu eta ikusi ahal izango da.
Horrez gain,
zapatuan [urriak 4], Txirrimorraskik Denbora Libre Taldeak ere bere omenaldi “berezia” egingo dio Lakari. Ondarroa guztian zehar
Bitxoren txokoak altxorraren bila berezi bat egingo dute.
Omenaldi asteagaz jarraituz,
Radixu Irratiak irratsaio berezia eskainiko dio Bitxore Lakari
. Eguaztenean [urriak 8], 22:00etatik 24:00etara,
Azken Mohikanoak programak Lakaren senideak eta Artelaneko kideak gonbidatu izango ditu, artista ondarrutarri buruzko monografikoan.
Duela urte batzuk,
Kataluniako bizimoduari buruz lau ordutako grabazio bat egin zioten Bitxoreri Ondarroako Historia Zaleetako kideek, eta grabazio hartako zati batzuk emango dituztela jakinarazi dute programaren arduradunek.
Barratik irtenda Bitxorek bere bizitza osoan egindako ekoizpen osoa kalejiran irtengo da; 90 gazteren laguntza behar izan dute
Hilaren 11n, ostera,
herritarrek Bitxoreri eskeinitako
omenaldiaren tartea izango da. Barratik irtenda, Bitxorek orain arte egindako ekoizpen guztia batera kalejiran irtengo da. «Ekoizpen hori guztia batera ez da sekula ikusi. Bakoitzak bere urteko sasoi edo egun propioa zuelako. Akerrak, lantzoiak, erraldoiek eta buruhandiekin ez dute sekula batera irten. Hauxe ixango da lehengo aldia. Ikusgarria izango da Bitxorek egin zuen ekoizpen guztia batera kalejiran barratik Musika Plazara bidean ikustea».
Kalejiran Mari Domingi eta Olentzero txikia, bi herensuge, 36 buruhandi, mugitzen diren 17 erraldoi eta lau erraldoi estatiko ateratiko dira. Horiek guztiak kalera ateratzeko, baina, herriko hiru ikastetxeetako 90 ikasleen laguntza ezinbestekoa izan dela ere nabarmendu dute omenaldiaren antolatzaileek. «Ikastetxe guztietako ikasle guztiei eskerrak eman nahi dizkiegu. Zuon laguntza gabe, ezinezkoa izango zen Bitxoreren ekoizpen osoa kalera ateratzea».
Omenaldian herriko hainbeste taldek parte hartuko dute. Guztiek askotariko ekimenez osaturiko omenaldi xumea egingo dute
Behin Musika Plazan omenaldiagaz hasiko dira. Rosana Goikoetxeak eta Josu Etxaburuk aurkeztuta, besteak beste, abesbatzen kantak, sketch-a, bertsoak, dantzak, balleta, dantza garaikidea, poesia, txistularien musika… askotariko ekimenez osaturiko omenaldi xume bezain hunkigarria izango da. «Herritarrak ikuskizun horretarako batzea ere oso polita izango da. Ikuskizunean hainbeste taldek parte hartu dute eta», gaineratu dute antolatzaileek.
Omenaldi ekimenekin amaitzeko, ostera,
urriaren 12an, falta diren errauts erdiak aireratuko dituzte Urederreko behatokian. Hain zuzen ere, ekainaren 19an Ondarroako badiako uretan zabaldu zituzten Bitxore Lakaren beste errauts erdiak. Bitxore gogoan, egunpasa egingo da Urbasa inguruetan. «Bertara arte joan, errautsak aireratu eta buelta egin beharrean, bertan bazkatzea pentsatu dugu». Hortaz, hilaren 12ko ekimenean parte hartu nahi dutenek, erakusketa aretoan salgai ipiniko diren txartelak erosi besterik ez dute izango.
Tiketak urriaren 3tik 9ra salgai egongo dira 20 eurotan, autobusa eta bazkaria barne.
Bitxore Lakari omenaldia buru belarri prestatzen ari direnek eskerrak eman nahi dizkie parte hartu duten talde zein norbanako guztiei. «Omenaldia prestatzeko ideia piloa egon dira. Batzarretara etorri direnei ere, gure eskerrik beroenak eman nahi dizkiegu. Horrez gain, pila bat herritar hurbildu zaigu omenaldia noiz egin behar genuen edota ezer behar genuen galdetzera. Jendeak asko maite zuenaren seinale da hori».
Egitaraua
Ekimenez eta sentipenez betetako omenaldia egingo diote ondarrutarrek Bitxore Laka Guenagari. Hurrengo egunetan, Bitxore zena gogora ekarri, hobeto ezagutu edota harekin bizitako pasarte ugari gogoratuko dituzte haren senide, lagun, herritar, ezagun eta ikasle ohiek.
Egingo diren ekintzen artean lehena, erakusketa izango da. Uxu Ondarroako Emakumeen Taldeak antolatuta, urriaren 3tik aurrera, Alamedako udal erakusketa aretoan Bitxorek bere bizitza osoan egin zituen hainbat artelan egongo dira erakusgai. “Erakusketa osatzeko berak egindako hainbat artelan jaso dira handik eta hemendik. Senideen zein Bitxore zenaren etxean batu diren beharrak erakutsiko dira”, azaldu dute omenaldiaren antolatzaileek. Denetarik ikusi ahal izango da: zeramikak, marrazkiak, buruhandiak… Baina den-denetan Bitxore zenaren esentzia sentitu eta ikusi ahal izango da.
Horrez gain, zapatuan [urriak 4], Txirrimorraskik Denbora Libre Taldeak ere bere omenaldi “berezia” egingo dio Lakari. Ondarroa guztian zehar Bitxoren txokoak altxorraren bila berezi bat egingo dute.
Omenaldi asteagaz jarraituz, Radixu Irratiak irratsaio berezia eskainiko dio Bitxore Lakari. Eguaztenean [urriak 8], 22:00etatik 24:00etara, Azken Mohikanoak programak Lakaren senideak eta Artelaneko kideak gonbidatu izango ditu, artista ondarrutarri buruzko monografikoan.
Duela urte batzuk, Kataluniako bizimoduari buruz lau ordutako grabazio bat egin zioten Bitxoreri Ondarroako Historia Zaleetako kideek, eta grabazio hartako zati batzuk emango dituztela jakinarazi dute programaren arduradunek.
Kalejiran Mari Domingi eta Olentzero txikia, bi herensuge, 36 buruhandi, mugitzen diren 17 erraldoi eta lau erraldoi estatiko ateratiko dira. Horiek guztiak kalera ateratzeko, baina, herriko hiru ikastetxeetako 90 ikasleen laguntza ezinbestekoa izan dela ere nabarmendu dute omenaldiaren antolatzaileek. «Ikastetxe guztietako ikasle guztiei eskerrak eman nahi dizkiegu. Zuon laguntza gabe, ezinezkoa izango zen Bitxoreren ekoizpen osoa kalera ateratzea».
