Zaldi probak antolatu dituzte Etxebarrian

Lea-Artibai eta Mutrikuko Hitza

2014/10/03

Zaldi probak antolatu dituzte Etxebarrian urriaren 31 eta azaroko lehen hiru egunetarako. Saioak 17:00etan eta 21:00etan izango dira, eta Etxebarriko 800 kiloko harria gehi 50 kiloko txapa eraman beharko dute zaldiek. Abereak 400 kilotan sartu behar direla jakitera eman dute antolatzaileek. Hortik gorakoak kilo bakoitzeko kilo bateko gainkarga izango dute. Saio bakoitzaren denbora 30 minutukoa izango da, eta Zaldi bakoitzak bi itzain libre eramango ditu. Izen emotea Lehiaketa, Euskal Herriko Kirol Federakundeak kontrolatuko du, eta zaldiak saio bakoitza baino bi ordu aurretik pisatuko dituztela azaldu dute. Zaldi probetan parte hartu ahal izateko urriaren 17an eman behar da izena 20:00etan Etxebarriko udaletxean. Antolatzaileek egun bakoitzeko partaideak izendatuko dituzte. Sariak Sailkapen orokorra

1. 800 euro eta udalak emandako mantak, txapela eta garaikurra.
2. 700 euro.
3. 600 euro.
4. 550 euro.
5. 500 euro.
6. 450 euro.
7. 400 euro.
8. 350 euro.
9. 340 euro.
10. 320 euro.

Kintxopekoak

1. 300 euro eta Olaia jatetxeak emandako mantak.
2. 200 euro.
3. 100 euro.

Herrikoak

1. 120 euro.