Urritik hasi eta maiatzera bitartean, hainbat ikastaro emango dira Ondarroako Emakumeentzako Jabekuntza Eskolan. Feminismoa, abortatzeko eskubidea, emakumeen osasuna, euskal literatura, gaur egungo panorama, autodefentsa feminista eta rap-a landuko dira, hurrenez hurren.
2014-2014 ikasturtean ere, aurreko urteetako gai eta ildoetariko asko lantzen jarraituko dutela nabarmendu dute Jabekuntza Eskolako Arduradunek: “Eskolak emakumeen jabekuntza sustatu nahi du, hau da, jendartearen eraldaketarako prozesua: kontzientziazioa, ikaskuntza eta baliabideak eskuratzeko. Banakako nahiz taldeko jabekuntza bilatzen dugu, ez baita nahikoa eremu pertsonalean aldaketak eragitea, baizik eta talde mailan ere aldaketa gertatzea beharrezkoa da, sareak sortuz eta partaidetza sozialaren bitartez. Horregatik, prestakuntza ez da helburua, jendartearen eraldekatarako bitartekoa baizik”.
Aurten, gainera, berritasun modura, ikastaro guztietan haurtzaindegi zerbitzua eskainiko du udalak, Txirrimorraskiren eskutik. “Horretarako ezinbestekoa da izen emate orrian adieraztea edota astebete aurretik jakinaraztea”.
Matrikulatzeko epea zabalik dagoela gogorarazi dute Jabekuntza Eskolakoek. “Ikastaro batzuetan, gainera, plaza mugatuak daude”. Talde bakoitzeko, gutxienez, zazpi lagun egon behar dute, eta “taldea bete ahala itxi egingo da matrikulazioa; bestela, ikastaroa hasi arte egin daiteke matrikula”.
Ikastaroei dagokionez, ikastaro bakoitzaren prezioa 5 eta 10 euro artekoa da. “Oinarrizko errenta jasotzen dutenek eta 20 urtetik beherako andra gazteek, ostera, %50eko deskontua izango dute”. Izena emateko matrikula fitxa bete eta ordainketa egin behar da. Goizetan, Udal Diru Bilketa bulegoan (Kantoipe 3an) egiteko aukera egongo da, eta arratsaldeetan, Etxelilan (Artibai 3, 2. pisua). Informazio gehiago nahi izanez gero Etxelira jo edota Ondarroako Udalaren Berdintasun Sailera.
TAILERRAK
- Urriak 24-25. Abortua ez dela gure eskubidea??? Tururu!!! FeministAldeko irakasle baten eskutik. 4 orduko 2 saio izango dira: barikuan, 17:00etatik 21:00etara eta zapatuan, 10:00etatik 14:00etara. Matrikula 5 euro.
- Urriak 31, azaroak 14, abenduak 12, urtarrilak 16, otsailak 13, martxoak 13, apirilak 17, maiatzak 8 (barikuetan). Ezagutu zure gorputza, zaindu osasuna. Irakaslea: Patricia Verdés Giménez (psikologoa eta berdintasunean aditua). Barikuetan 16:30etik 19:30era. Ikastaroa gazteleraz izango da.
- Azaroan eta abenduan. Paperaz egindako grabatua. Irakaslea: Nerea Unanua (Arte Ederretan lizentziatua eta masterra Pinturan). Eguenetan 17:00etatik 20:00etara. Ikastaroa doan izango da. Antolatzailea: 7 emakume en movimiento.
- Azaroak 21-22. Maiteminak Euskal literaturan. Irakaslea: Iratxe Retolaza Gutierrez (Literatura irakaslea). Ordutegia: barikuan, 17:00etatik 21etara eta zapatuan, 10:00etatik 14:00etara. Matrikula 5 euro.
- Abendutik martxora. Rap tailerra, martitzenetan. Irakaslea: Furia (Rapera, feminista, gizarte hezitzailea eta musikoterapian hezitzailea). Matrikula 10 euro. Ikastaroa gazteleraz izango da.
- Urtarriletik martxora. Emakumeak kamera atzean. Irakaslea: Lara Izagirre (Zinemagilea). Saio teorikoak urterrileko eguenetan egingo dira, otsailaren 5ean grabatu eta martxoaren 12an eta 19an edizio saioak egingo dira. Guztira ordu bi eta erdiko zazpi saio egingo dira. Matrikula 10 euro.
- Urtarrilak 24-apirilak 25 (zapatuetan). Feminismoaren gaur egungo panorama teorikoan kokatzeko mapak. Irakaslea: Tere Maldonado Barahona (Militante feminista eta Filosofia irakaslea). Matrikula 5 euro. Zapatuan 10:00etatik 14:00etara eta 16:00etatik 18:00etara.
- Urtarrilak 30-31. Feminismo beltza. Irakaslea: Jeanne Roland Dacougna Minkette (Feminista, senegaldarra eta Garaipen elkarteko kidea). Lau orduko bi saio. Ordutegia: barikuan, 17:00etatik 21:00etara eta zapatuan, 10:00etatik 14:00etara. Matrikula 5 euro. Ikastaroa gazteleraz izango da.
- Otsailak 6-7. Diskurtso autobiografikoak Euskal literaturan. Irakaslea: Iratxe Retolaza Gutierrez (Literatura irakaslea). Ordutegia: barikuan, 17:00etatik 21etara eta zapatuan, 10:00etatik 14:00etara. Matrikula 5 euro.
- Apirilak 21-28, maiatzak 5-12. Gure herria eraikitzen. Irakaslea: Zuriñe Burgoa (Comunion arkitektoa, Hiria Kolektiboko partaidea). Bi orduko lau saio izango dira, 18:00etatik 20:00etara. Matrikula 5 euro. Ikastaroa gazteleraz izango da.
- Maiatzak 15-16. Euskal musika larrutuz: gorputz adierazpenak eta gorputz irudikatzeak. Irakaslea: Iratxe Retolaza Gutierrez (Literatura irakaslea). Ordutegia: barikuan, 17:00etatik 21etara eta zapatuan, 10:00etatik 14:00etara. Matrikula 5 euro.
- Maiatzak 29-30. Autodefentsa feminista. Irakaslea: Pili Álvarez Moles (feminista ekintzailea). Barikuan 17:00etatik 21:00etara eta zapatuan, 10:00etatik 14:00etara, eta 16:00etatik 20:00etara. Lau orduko hiru saio. Matrikula 5 euro.
Jabekuntza eskola 2014-2015 eskuorria
Urritik hasi eta maiatzera bitartean, hainbat ikastaro emango dira Ondarroako Emakumeentzako Jabekuntza Eskolan. Feminismoa, abortatzeko eskubidea, emakumeen osasuna, euskal literatura, gaur egungo panorama, autodefentsa feminista eta rap-a landuko dira, hurrenez hurren.
2014-2014 ikasturtean ere, aurreko urteetako gai eta ildoetariko asko lantzen jarraituko dutela nabarmendu dute Jabekuntza Eskolako Arduradunek: “Eskolak emakumeen jabekuntza sustatu nahi du, hau da, jendartearen eraldaketarako prozesua: kontzientziazioa, ikaskuntza eta baliabideak eskuratzeko. Banakako nahiz taldeko jabekuntza bilatzen dugu, ez baita nahikoa eremu pertsonalean aldaketak eragitea, baizik eta talde mailan ere aldaketa gertatzea beharrezkoa da, sareak sortuz eta partaidetza sozialaren bitartez. Horregatik, prestakuntza ez da helburua, jendartearen eraldekatarako bitartekoa baizik”.
Aurten, gainera, berritasun modura, ikastaro guztietan haurtzaindegi zerbitzua eskainiko du udalak, Txirrimorraskiren eskutik. “Horretarako ezinbestekoa da izen emate orrian adieraztea edota astebete aurretik jakinaraztea”.
Matrikulatzeko epea zabalik dagoela gogorarazi dute Jabekuntza Eskolakoek. “Ikastaro batzuetan, gainera, plaza mugatuak daude”. Talde bakoitzeko, gutxienez, zazpi lagun egon behar dute, eta “taldea bete ahala itxi egingo da matrikulazioa; bestela, ikastaroa hasi arte egin daiteke matrikula”.
Ikastaroei dagokionez, ikastaro bakoitzaren prezioa 5 eta 10 euro artekoa da. “Oinarrizko errenta jasotzen dutenek eta 20 urtetik beherako andra gazteek, ostera, %50eko deskontua izango dute”. Izena emateko matrikula fitxa bete eta ordainketa egin behar da. Goizetan, Udal Diru Bilketa bulegoan (Kantoipe 3an) egiteko aukera egongo da, eta arratsaldeetan, Etxelilan (Artibai 3, 2. pisua). Informazio gehiago nahi izanez gero Etxelira jo edota Ondarroako Udalaren Berdintasun Sailera.
TAILERRAK
