Aulestiko kultur elkarteak piraguan ibiltzeko irteera antolatu du
Udalerriko kultur elkarteak antolatuta, domekan Lekeitioko Isuntza hondartzaren inguruan ibiliko dira piraguetan. 10:00etan ipini dute hitzordua, eta bertan izango dute beharrezko materiala. Halaber, amaitzean dutxatzeko aukera ere izango dute.
Herritarrek lagun artean zein familian joateko plan aproposa dute aukeran. Izan ere, antolatzaileek esan dutenez, umeek nagusiekin batera joan ahalko dute piraguan.
Joan nahi dutenek Aulestiko txokoan eman behar dute izena. Antolatzaileek ahalik eta arinen apuntatzeko eskatu dute, partaide kopurua zehazteko.