Aurrera jarraitzen du Bitxore Lakaren omenaldiak
https://www.youtube.com/watch?v=pggY2p4cECE Domekara arte zabalik jarraitzen du Uxu Ondarroako Emakume Taldeak Bitxore Lakari buruzko antolaturiko erakusketak. Udal erakusketa aretoan sartu orduko, Lakak berak duela urte piloa bere buruari egin zion buztinezko busto bat agertzen da, eta goian, hura zenaren biografia ere aurki dezake erakusketara hurbiltzen denak.
Domekara arte zabalik jarraitzen du Uxu Ondarroako Emakume Taldeak Bitxore Lakari buruzko antolaturiko erakusketak. Udal erakusketa aretoan sartu orduko, Lakak berak duela urte piloa bere buruari egin zion buztinezko busto bat agertzen da, eta goian, hura zenaren biografia ere aurki dezake erakusketara hurbiltzen denak.
Ezkerretara, ostera, ongi-etorria eman nahian Olentzero eta Mari Domingi agertzen dira, eta aurrean, sinadura liburua agertzen da. Bakoitzak nahi duena idatzi edo berba soil batzuk lagatzeko.
Erakusketa barruan sartu ahala, Lakak han eta hemen egindako obrak ikus daitezke. Ezkerraldean, izkina batean, esate baterako, Bitxorek egindako azken artelana ere ageri da. “Marabilli lehen festibalerako egin zuen, hain zuen ere”, adierazi du omenaldia antolatzen aritu denetariko batek. Buztinez egindako lana da, eta aurkitu nahi duenak, buztinezko txalupa baten azpian erraz aurkituko du ezkerretara. Artelanak hiru emakumeren aurpegiak irudikatzen ditu.
Horiez gain, beste hainbat buztinezko artelan daude, gehienak, erdialdean ipinita: maskarak, pitxarrak, elefanteak, eskultura txikiak…
Sareekin apaindutako hormetan hainbat oleo eta margolan daude, gehienetan Ondarroa agertzen bada ere tartean tarteko Mutriku eta Lekeitio ere agertzen dira. Artelan horiek guztiez gain, bi buruhandi ere badaude; bata txakurra, eta iratxo urdina bestea.
Hainbat buruhandi. Erakusketa aretoan ez eze, herriko hainbat dendatan ere hainbat buruhandi ipini dituzte. Erakusleihoetan ipini dituzte zapatuko kalejiran aterako dira gainontzeko 34 buruhandiak.
Herritarrek pozik hartu dute berria, eta egunotan, ezustekoren bat edo beste ere, izan dute. Atzo [urriak 7] iluntzean, esate baterako, Lantzoiak kalera irten zuen.
Ez da ohikoa Lantzoia kalean ikustea, baina han-hemenka ikusi zuten ondarrutarrek. Asko “aho-zabalik” geratu ziren. “Espero ere ez zutelako”. Izan ere, Lantzoia inauteriak iragartzen dituen pertsonaia da Ondarroan; sasoi horretan ateratzen da bakarrik kalejiran.
Monjetatik irten eta Zaldupe ingururantz joan zen Lantzoia. Handik, Ibaiondo ingurura. Behin Ibaiondon, San Inaziorantz joan zen eta handik Monjetara erretiratu zen Lantzoia. Omenaldia prestatzen ari direnek, aste honetan beste ezustekoren bat edo beste egongo direla iragarri dute.
Zapatuan egingo den omenaldian, herriko hiru ikastetxeetako 90 ikaslek parte hartuko. Guztiek Bitxore Lakaren bizi osoko produkzio osoa kalera aterako dute. Hiru ikastetxeek Lakak egindako beharra eskertu eta goraipatu nahi izan dute hainbat ekintza eta ekitaldi eginda.
Txomin Agirre ikastolako ikasleak, esate baterako, aste guztia Bitxore Laka zenaren irudi lantzen aritu dira. “Batik bat marrazkiak egiten aritu gara: erraldoiak, buruhandiak… denetarik egin dugu. Aurreko barikuan, gainera, buruhandi bi etorri ziren ikastolako jolastokira eta ikasleek tarte ederra pasa zuten buruhandiekin jolasean. Azkenean, argazkiak ere ateratzeko tartea ere izan genuen erraldoietako batekin ere. Esperientzia polita izan da”.
Zubi Zahar Herri ikastolako kideek ere aste guztia daramate Laka zena gogoratzen. Idazkaritza barruan buruhandi bi ipini dituzte eta Eskerrik asko! Bitxore dioen pankarta handi bat ikastolaren sarreran artistaren omenez. “Jolastokian ikasle guztien artean egindako horma-irudi handi bat ipini dugu. Nagusienek Bitxoreren zuri-beltzeko argazki bat egin dute, eta txikixeagoek, gaiarekin lotuta marrazkiak egin dituzte. Aste osoan, gainera, Bitxoreren inguruko lanketa egiten aritu gara”. Ikastolako arduradunek udal erakusketa aretoko erakusketa ikustera gonbidatu dituzte irakasleek guraso guztiak, ohar baten bidez.
Zaldupe ikastetxean ere Bitxore Laka zenaren irudia lantzen aritu dira ikasgeletan. Ikastetxeko sarreran Lakari omenaldi “txiki bat” egiteko aprobetxatu dute, eta azken egunotan, sarrera atontzen ibili dira ikastetxeko ikasleak. Hala nola, gaiarekin lotuta, bi buruhandi jarri dituzte ikastetxearen sarreran eta ikasleek egindako hainbat marrazkieekin apaindu dute. Era berean, Lehen Hezkuntzako 1. 2. 3. eta 4. mailako ikasleak Uxuk Bitxore Lakaren artelanen inguruan antolatutako erakusketa ikusten egon dira asteon.
Ezkerretara, ostera, ongi-etorria eman nahian Olentzero eta Mari Domingi agertzen dira, eta aurrean, sinadura liburua agertzen da. Bakoitzak nahi duena idatzi edo berba soil batzuk lagatzeko.
Erakusketa barruan sartu ahala, Lakak han eta hemen egindako obrak ikus daitezke. Ezkerraldean, izkina batean, esate baterako, Bitxorek egindako azken artelana ere ageri da. “Marabilli lehen festibalerako egin zuen, hain zuen ere”, adierazi du omenaldia antolatzen aritu denetariko batek. Buztinez egindako lana da, eta aurkitu nahi duenak, buztinezko txalupa baten azpian erraz aurkituko du ezkerretara. Artelanak hiru emakumeren aurpegiak irudikatzen ditu.
Horiez gain, beste hainbat buztinezko artelan daude, gehienak, erdialdean ipinita: maskarak, pitxarrak, elefanteak, eskultura txikiak…
Sareekin apaindutako hormetan hainbat oleo eta margolan daude, gehienetan Ondarroa agertzen bada ere tartean tarteko Mutriku eta Lekeitio ere agertzen dira. Artelan horiek guztiez gain, bi buruhandi ere badaude; bata txakurra, eta iratxo urdina bestea.
Hainbat buruhandi. Erakusketa aretoan ez eze, herriko hainbat dendatan ere hainbat buruhandi ipini dituzte. Erakusleihoetan ipini dituzte zapatuko kalejiran aterako dira gainontzeko 34 buruhandiak.
Herritarrek pozik hartu dute berria, eta egunotan, ezustekoren bat edo beste ere, izan dute. Atzo [urriak 7] iluntzean, esate baterako, Lantzoiak kalera irten zuen.
Ez da ohikoa Lantzoia kalean ikustea, baina han-hemenka ikusi zuten ondarrutarrek. Asko “aho-zabalik” geratu ziren. “Espero ere ez zutelako”. Izan ere, Lantzoia inauteriak iragartzen dituen pertsonaia da Ondarroan; sasoi horretan ateratzen da bakarrik kalejiran.
Monjetatik irten eta Zaldupe ingururantz joan zen Lantzoia. Handik, Ibaiondo ingurura. Behin Ibaiondon, San Inaziorantz joan zen eta handik Monjetara erretiratu zen Lantzoia. Omenaldia prestatzen ari direnek, aste honetan beste ezustekoren bat edo beste egongo direla iragarri dute.
Zapatuan egingo den omenaldian, herriko hiru ikastetxeetako 90 ikaslek parte hartuko. Guztiek Bitxore Lakaren bizi osoko produkzio osoa kalera aterako dute. Hiru ikastetxeek Lakak egindako beharra eskertu eta goraipatu nahi izan dute hainbat ekintza eta ekitaldi eginda.
Txomin Agirre ikastolako ikasleak, esate baterako, aste guztia Bitxore Laka zenaren irudi lantzen aritu dira. “Batik bat marrazkiak egiten aritu gara: erraldoiak, buruhandiak… denetarik egin dugu. Aurreko barikuan, gainera, buruhandi bi etorri ziren ikastolako jolastokira eta ikasleek tarte ederra pasa zuten buruhandiekin jolasean. Azkenean, argazkiak ere ateratzeko tartea ere izan genuen erraldoietako batekin ere. Esperientzia polita izan da”.
Zubi Zahar Herri ikastolako kideek ere aste guztia daramate Laka zena gogoratzen. Idazkaritza barruan buruhandi bi ipini dituzte eta Eskerrik asko! Bitxore dioen pankarta handi bat ikastolaren sarreran artistaren omenez. “Jolastokian ikasle guztien artean egindako horma-irudi handi bat ipini dugu. Nagusienek Bitxoreren zuri-beltzeko argazki bat egin dute, eta txikixeagoek, gaiarekin lotuta marrazkiak egin dituzte. Aste osoan, gainera, Bitxoreren inguruko lanketa egiten aritu gara”. Ikastolako arduradunek udal erakusketa aretoko erakusketa ikustera gonbidatu dituzte irakasleek guraso guztiak, ohar baten bidez.
Zaldupe ikastetxean ere Bitxore Laka zenaren irudia lantzen aritu dira ikasgeletan. Ikastetxeko sarreran Lakari omenaldi “txiki bat” egiteko aprobetxatu dute, eta azken egunotan, sarrera atontzen ibili dira ikastetxeko ikasleak. Hala nola, gaiarekin lotuta, bi buruhandi jarri dituzte ikastetxearen sarreran eta ikasleek egindako hainbat marrazkieekin apaindu dute. Era berean, Lehen Hezkuntzako 1. 2. 3. eta 4. mailako ikasleak Uxuk Bitxore Lakaren artelanen inguruan antolatutako erakusketa ikusten egon dira asteon. 
