Eraikinaren egoera ikusita, udal arkitektoa etxea zelan zegoen aztertzera bidali zuen Markina-Xemeingo Udalak, eta bizilagunen segurtasuna bermatzeko eraikina hustu egin behar dela ikusi dute. Aldi berean, etxea zutoinez eusteko agindua eman dio udalak jabeari. «Eraikina hustu eragin bezain pronto egin beharko duena».
Epaiketa
Orain dela lau urte,
San Agustin kaleko 26. etxearen jabeek epaiketara eraman zuten Markina-Xemeingo Udala. Eraikina hondatuta zegoela-eta konpontzeko exekuzio agindua emana zuen udalak. «Kondizoetan egoteko konponketa lan batzuen beharra zuelako», azaldu dute. Baina, etxearen jabeek eraikina erortzekotan dagoen etxebizitza bezala izendatzea eskatu zioten udalari. «Erortzekotan dagoen etxebizitza izendapena bi eratakoa izan daiteke: ekonomikoa, hau da eraikina konpontzeko gastua bere balioaren portzentajea baino handiagoa denean ematen dena, edo fisikoa, etxea jausteko zorian dagoela eta bertan bizi direnentzat arriskutsua dela esaten duena», azaldu du udalak. Eta jabeek alde ekonomikoaz ari zirela argitu dute. «Etxebizitza horretan hainbat familia errentan bizi zirenez udalak uko egin zion etxea erortzekotan dagoen modura izendatzeari, denbora gehiago izan zezaten eta beste etxebizitza bat bilatzen joan zitezen», azaldu dute.
Arriskua
Udalak galdu egin zuen epaiketa, baina errekurtsoa aurkeztea erabaki zuen. «Errekurtsoa erabaki barik dago oraindik, baina, bien bitartean etxea asko hondatu da, eta bertan bizi direnentzako arrisku fisikoa dago gaur egun», jakitera eman dute. Beraz, eraikinetik irten behar dutela azaldu die udalak.
Etxea berehala hustu behar dutenez, bertako bizilagunei irtenbide bat eman nahi izan die Markina-Xemeingo Udalak, eta beraz,
Bizkaiko Foru Aldundiak Etxebarrian dituen etxebizitzarara joateko aukera izango dute orain familiek.
