Damen Kantak ikuskizunak aho zabalik utzi ditu Ondarroara hurbildu diren musikazale guztiak
https://www.youtube.com/watch?v=oguJ51UycH0&feature=youtu.be Ondarroako Unanue Kamara Koralak eta Gernika-Lumoko Gaudeamus Koralak elkarrekin prestatu duten Damen Kantak ikuskizuna entzuteko, domekan [urriak 19], Ondarroako Andra Mari eliza bete-bete egin zen.
Ondarroako Unanue Kamara Koralak eta Gernika-Lumoko Gaudeamus Koralak elkarrekin prestatu duten Damen Kantak ikuskizuna entzuteko Andra Mari eliza bete-bete egin zen domekan [urriak 19].
Esti Urizar Unanue Kamara Koraleko kideak egin zituen aurkezle lanak. Bi abesbatza bizkaitarrek prestatu zuten kontzertuaren nondik norakoak azaldu zituen.
Zuriz jantzita atera ziren abeslariak eta haien atzetik, txalo zaparrada artean agertu ziren Estibalitz Arrizabalaga eta Julia Foruria zuzendariak ikuskizunean parte hartu zuten hiru musikariekin batera.
Guztira sei autore ezberdinen Ave Mariak entzun ziren Ondarroako elizan: Giulio Caccini-rena, Franz Bielb-rena, Dante Andreo-rena, Paco Ibañez-ena, Teruaki Suzuki-ena eta Xabier Sarasolarena.
Kontzertuari Caccini-ren Ave Mariak eman zion hasiera. Ania Cid-ek pianoan jotako lehenengo akordeak txundigarriak izan ziren. Eliza osoa adi-adi zegoen, eta korua elizan kantatzen hasi orduko, kantariak aulkiak inguratzen hasi ziren lauki itxura moduko bat hartu arte. Pianoaz gain, flauta eta txeloak lagunduta abestu zuten bi abesbatzetako neska mutilek.
Caccini-ren Ave Mariaren ostean, Bielb-en bertsioa abestu zuten inolako instrumentuen laguntzarik barik. Kasu honetan, bi taldetan banatuta abestu zuen abesbatzak. Erretaula parean zeuden abesbatzako kide gehienak eta elizako atzealdean, beste bederatzi kide. Aurrealdean zeudenei erreplika antzerako ematen zien kantuz.
Jarraian,beste lau Ave Mariak abestu zituzten. Minutu inguruko txalo zaparrada artean amaitu zuten lehenengo zatia Unanue Kamara eta Gaudeamus Koraletako neska mutilek.
Hamar bat minutuko atsedenaldiaren ostean, beltzez jantzita agertu ziren koru bietako kideak. Aurkezle lanetan aritu zen Esti Urizarrek hartu zuen berba berriro. Urizarrek bigarren zatiko kantuak aurkeztu zituen banan-banan. Herman Rechberg-ek idatzitako Musica Picta entzuteko gomendio bat eman zuen Unanueko kantariak :”Itxi begiak eta entzun”.
Hiru taldetan banatuta abestu zuten Musica Picta. Begiak ixteko eskatu zuten antolatzaileek eta publikoak ondo erantzun zuen. Denak begiak itxita entzuten aritu ziren, musika sentitzen. Haizearen zarata, ur tantak, naturaren zaratak entzuten ziren oro har. Kasu batzuetan kobazulo baten barruko zaratak ere sentitu ahal izan zituen entzuleak.
Aglepta, ostera, bakarrizketa batekin hasi zen. Hilobiaz haraindiko antzeko ahotsak ematen zutenak entzun ziren kantuan. Sorginak eta hildakoak biziberritzen ari zirela ematen zuen. Nolanahi ere, mitologia eta sorginkeria kutsuaz betetako gaua izan zen domekakoa. Lamiak ere, beste bakarrizketa bategaz hasi zen. Abesbatzaren erdi-erdian lamiaren papera egiten zuen kantari bat zegoen orrazten, eta lamiek egin ohi zuten modura goi-goiko notak kantatzen aritu zen. 
Tobin Stokes Kanadiarrak Gaudeamus koralari propio idatzitako Ikimilikiliklik eta Eguzkilore abestu zituzten ostean. Erabilitako argiek eta koreografiak aho zabalik utzi zituzten ikuskizuna entzutera hurbildu ziren guztiak.
Amaitzeko, San Juan egunean kantatzen den Sorgin dantza abesten amaitu zuten Damen Kantak ikuskizuna. Irrintzi eta guzti abestu zuen koruak azken kanta. Txalo zaparrada artean amaitu zuten ikuskizuna.
Dena amaitu aurretik, Unanue Kamarako Koraleko kideek oroigarri legez lore bana eman zien partaide denei. Horrez gain, abesbatzak, egitarauz kanpo, Xabier Sarasolaren Pater Noster eta Ignacio Mokoroaren Sorgin Dantza-ren amaiera zatia abestu zituzten publikoaren gozamenerako.
Oso pozik eta hunkituta amaitu zuten bi abesbatzetako zuzendariek kontzertua. Kontzertua amaitu orduko, malkoren bat edo besteren arrastoa nabari zitekeen oraindik Julia Foruriaren eta Estibalitz Arrizabalagaren aurpegietan. Irribartsu zera adierazi zuen Gernika-Lumoko zuzendariak: “Lehenengo zatia amaitu denean zeharo hunkituta amaitu dut. Abesbatzak ondo baino hobeto abestu du, eta horrek asko hunkitu nau. Zoragarria izan da Ave Marien zatia. Ondarroako eliza honetan, gainera, oso ondo entzuten da”.
Estibalitz Arrizabalagak Ondarroara hurbildutako publikoari eskerrak eman nahi izan zion, musikari guztien izenean.”Andra Mari elizako ezaugarri akustikoak mota honetako kontzertu baterako asko laguntzen du. Publikoarekin horrelako klima berezi bat lortu nahi genuen, eta uste dut hona etorri den publikoak ulertu duela. Nahi genuena lortu dugu. Kontzertuak bere kutsu edo eragin magiko hori zabaldu dugula uste dut. Laburbilduta oso pozik gaude herriak izan duen erantzunagaz”.
Irudietan (argazkiak Unanue Kamara Korala) [nggallery ID=204]
Zuriz jantzita atera ziren abeslariak eta haien atzetik, txalo zaparrada artean agertu ziren Estibalitz Arrizabalaga eta Julia Foruria zuzendariak ikuskizunean parte hartu zuten hiru musikariekin batera.
Guztira sei autore ezberdinen Ave Mariak entzun ziren Ondarroako elizan: Giulio Caccini-rena, Franz Bielb-rena, Dante Andreo-rena, Paco Ibañez-ena, Teruaki Suzuki-ena eta Xabier Sarasolarena.
Kontzertuari Caccini-ren Ave Mariak eman zion hasiera. Ania Cid-ek pianoan jotako lehenengo akordeak txundigarriak izan ziren. Eliza osoa adi-adi zegoen, eta korua elizan kantatzen hasi orduko, kantariak aulkiak inguratzen hasi ziren lauki itxura moduko bat hartu arte. Pianoaz gain, flauta eta txeloak lagunduta abestu zuten bi abesbatzetako neska mutilek.
Caccini-ren Ave Mariaren ostean, Bielb-en bertsioa abestu zuten inolako instrumentuen laguntzarik barik. Kasu honetan, bi taldetan banatuta abestu zuen abesbatzak. Erretaula parean zeuden abesbatzako kide gehienak eta elizako atzealdean, beste bederatzi kide. Aurrealdean zeudenei erreplika antzerako ematen zien kantuz.
Jarraian,beste lau Ave Mariak abestu zituzten. Minutu inguruko txalo zaparrada artean amaitu zuten lehenengo zatia Unanue Kamara eta Gaudeamus Koraletako neska mutilek.
Hamar bat minutuko atsedenaldiaren ostean, beltzez jantzita agertu ziren koru bietako kideak. Aurkezle lanetan aritu zen Esti Urizarrek hartu zuen berba berriro. Urizarrek bigarren zatiko kantuak aurkeztu zituen banan-banan. Herman Rechberg-ek idatzitako Musica Picta entzuteko gomendio bat eman zuen Unanueko kantariak :”Itxi begiak eta entzun”.
Hiru taldetan banatuta abestu zuten Musica Picta. Begiak ixteko eskatu zuten antolatzaileek eta publikoak ondo erantzun zuen. Denak begiak itxita entzuten aritu ziren, musika sentitzen. Haizearen zarata, ur tantak, naturaren zaratak entzuten ziren oro har. Kasu batzuetan kobazulo baten barruko zaratak ere sentitu ahal izan zituen entzuleak.
Aglepta, ostera, bakarrizketa batekin hasi zen. Hilobiaz haraindiko antzeko ahotsak ematen zutenak entzun ziren kantuan. Sorginak eta hildakoak biziberritzen ari zirela ematen zuen. Nolanahi ere, mitologia eta sorginkeria kutsuaz betetako gaua izan zen domekakoa. Lamiak ere, beste bakarrizketa bategaz hasi zen. Abesbatzaren erdi-erdian lamiaren papera egiten zuen kantari bat zegoen orrazten, eta lamiek egin ohi zuten modura goi-goiko notak kantatzen aritu zen. 
Tobin Stokes Kanadiarrak Gaudeamus koralari propio idatzitako Ikimilikiliklik eta Eguzkilore abestu zituzten ostean. Erabilitako argiek eta koreografiak aho zabalik utzi zituzten ikuskizuna entzutera hurbildu ziren guztiak.
Amaitzeko, San Juan egunean kantatzen den Sorgin dantza abesten amaitu zuten Damen Kantak ikuskizuna. Irrintzi eta guzti abestu zuen koruak azken kanta. Txalo zaparrada artean amaitu zuten ikuskizuna.
Dena amaitu aurretik, Unanue Kamarako Koraleko kideek oroigarri legez lore bana eman zien partaide denei. Horrez gain, abesbatzak, egitarauz kanpo, Xabier Sarasolaren Pater Noster eta Ignacio Mokoroaren Sorgin Dantza-ren amaiera zatia abestu zituzten publikoaren gozamenerako.
Oso pozik eta hunkituta amaitu zuten bi abesbatzetako zuzendariek kontzertua. Kontzertua amaitu orduko, malkoren bat edo besteren arrastoa nabari zitekeen oraindik Julia Foruriaren eta Estibalitz Arrizabalagaren aurpegietan. Irribartsu zera adierazi zuen Gernika-Lumoko zuzendariak: “Lehenengo zatia amaitu denean zeharo hunkituta amaitu dut. Abesbatzak ondo baino hobeto abestu du, eta horrek asko hunkitu nau. Zoragarria izan da Ave Marien zatia. Ondarroako eliza honetan, gainera, oso ondo entzuten da”.
Estibalitz Arrizabalagak Ondarroara hurbildutako publikoari eskerrak eman nahi izan zion, musikari guztien izenean.”Andra Mari elizako ezaugarri akustikoak mota honetako kontzertu baterako asko laguntzen du. Publikoarekin horrelako klima berezi bat lortu nahi genuen, eta uste dut hona etorri den publikoak ulertu duela. Nahi genuena lortu dugu. Kontzertuak bere kutsu edo eragin magiko hori zabaldu dugula uste dut. Laburbilduta oso pozik gaude herriak izan duen erantzunagaz”.
Irudietan (argazkiak Unanue Kamara Korala) [nggallery ID=204]
