Letraukua auzoan kokatu zen Lekeitioko lehenengo gunearen esperientzia ardatz hartuta jarriko dituzte martxan. Lehenego gunea San Andres auzoa eta Eusebio Maria de Azkue kaleen artean kokatuko da. Bigarrena, berriz, Paskual Abaroa etorbidea eta Basoalde kaleen artean. «Bi gune horiei esker, Eskolapetik eskuinera bizi diren lekeitiarrek konposta egiteko aukera izango dute», zehaztu du udalak. Gainera, datorren urtean zehar puntu gehiago zabaldu eta herritar gehiagok konposta egiteko aukera izango dutela aurreratu dute.
Parte hartzeko aukera zabalik
Proiektua martxan jartzeko lehendabizi, konposta egiteko prest dauden herritarrak ezagutu behar ditu udalak. Horregatik, azaroaren 28ra arte, proiektu honetan parte hartu nahi duten herritarrek izena emateko aukera izango dute. Izena emateko udaletxera joan daitezke, telefonoz deitu edo
ingurumena@lekeitio.com helbide elektronikora idatzi. «Gai honen inguruan sortutako edozein zalantza argitzeko udalera hurbiltzeko edo idazteko gonbitea egiten diegu herritarrei», azpimarratu du udalak.
Zerrenda osatutakoan, parte hartuko duten herritarrek, konpostari buruzko formazioa jasoko dute. Behin konposta egiteko zehaztasun guztiak ezagututa, giltzak banatuko dira eta herritarrak materia organikoa bereiztuta jasotzen eta konposta egiten hasiko dira. Herritarrak konposta egitera animatu ditu udalak: «Birziklapena eta konposta bultzatuz, hondakinek eragiten duten kaltea murriztea lortuko dugu, baina horretarako guztion ahalegina beharrezkoa da eta bide horretan”.
