Mutrikuko Buceo Euskadiko sei kidek balea xibarta bat ikuskatu zuten domekan Saturraranetik oso gertu
http://vimeo.com/110715626 Urpean igeri egiten ari den 35 urtean horrelakorik ez duela ikusi aitortu du Jabier Aginaga Mutrikuko Buceo Euskadiko arduradunak. Itsaso ona dagoen guztietan egin ohi duten modura, domekan ere, urpean ibiltzera irten zuen Aginagak.
Urpean igeri egiten ari den 35 urtean horrelakorik ez duela ikusi aitortu du Jabier Aginaga Mutrikuko Buceo Euskadiko arduradunak. Itsaso ona dagoen guztietan egin ohi duten modura, domekan ere, urpean ibiltzera irten zuen Aginagak. Guztira sei urpekarik irten zuten Mutrikuko portutik 10:30ean. “Gasteizko, Bilboko eta Iruña inguruko jendea batu ginen. Eguraldi txarra emanda zegoenez, jende gutxiago izan ginen”.
Eguraldia aldatzen hasi zen. Portutik irten eta handik gutxira zerbait arraroa ikuskatu zuten Saturraran inguruetan, kostaldetik milia erdi ingurara. “Hurbildu eta balea bat zela konturatu ginen. Pozez zoratzen geunden denok. Holakoak gutxitan ikusten dira eta. Argazki kamerak hartu eta argazkiak ateratzen hasi ginen. Ikusgarria eta aparteko esperientzia izan zen. Nik neuk, esate baterako, ez dut inoiz hemengo uretan balearik hain gertu ikusi. Azkenekoz Galapago uharteetan (Ekuadorko Errepublikan) ikusi nituen baleak”.
40 minutuz zetazeoari begira liluratuta ibili ziren Buceo Euskadiko sei urpekariak. Ondarroaranzko norabidea hartu zuela nabarmendu du Aginagak. Esperientzia ederrarekin gozatu eta gero, itsas azpiko beste edertasunekin gozatzeko aukera izan zuten. “Hainbat itsas aingira eta morena ikusi genituen, hurrenez hurren”.
Domekan bizitakoa iraultza handi bat izan dela nabarmendu du Aginagak. “Gure Facebook-ak orduz geroztik hainbeste bisita izan ditu”.
ARGAZKI GALERIA (Argazkiak: Buceo Euskadi) [nggallery ID=209]
