'Antxustegi' atunontzia Bilboko Itsasadarra Itsas Museotik ez kentzeko eskatuko dute zapatuan
‘Antxustegi’ atunontzia itsasoan zebineko irudietako bat. Argazkia: Salba dezagun ‘Antxustegi’
Museoaren utzikeriak eta erakunde batzuen kontrol ezak, orain dauden egoerara eraman ditu antxustegitarrak. Egin diren gauzetariko asko txarto egin direla diote, eta etorkizunean ez dute horrelakoak errepika daitezen nahi. Hori dela eta, Antxustegi itsasontziaren kasua erantzunik eta ardurarik eskatu gabe ez dute utziko. “Orain da garaia, etorkizunean beranduegi izan daiteke eta”.
Ondare sentimendua duten guztiak zapatuko elkarretaratzean parte hartzera gonbidatu dituzte plataformako kideek. “Familian joateko ekimena izango da, gainera. Gure ondorengoek ere ondarea eurentzako zaintzen ari garela ikusi behar dute. Egiten ari garen ahalegin hau guztia eurentzako da. Txaluparik ez badute ikusten, ez dute sinetsiko zelako baldintzetan itsasoratzen ginen”.
Ekimenaren bukaeran komunikatu bat irakurri dute plataformako kideek, eta ostean, herritarrek sinatzeko aukera izango dute. 
