Iazko mendi bizikleta proban parte hartu zuten kideetako batzuk, Alamedan. Argazkia: Turrune
Beste behin ere, urteari amaierari bukaera era berezian emango die Ondarroan. Abenduaren 31n, mendi bizikleta zaleek
Kakatzan kirol jaian parte hartzeko aukera izango dute. Urteari amaiera gehien gustatzen zaien kirola egiten agurtuko dute mendi bizikletaren zaleek. Aurten ere, ez da umorerik faltako. Leloa ere zentzu beretik aukeratu dute:
Marrano beltza. Ezta karreri, txarraua da.
Alamedatik 09:00etan irtengo dute aurten parte hartuko dutenek. Antolatzaileek 30 kilometroko dituen ibilbidea prestatu dute. Urtero egin modura, Ondarroa eta inguruetatik igaroko den ibilbidea antolatu dute, baina iazkoaren desberdina. “Beti aldatzen dogu nondik nora igaroko den ibilbidea. Hori bai, betiko modura, ezaugarri batzuk mantenduta. Ibilbidea zein izango den ezin dugu argitu, azken momentura arte sekretupean gordeko dugu”.
Ezaugarri modura, Kalamenditik eta Tontorramenditik, Ondarroa inguratzen duten bi menditontorretatik igaro beharko dute aurten parte hartzen duten mendi bizikleta zaleek. Bestalde, ibilbidea bera ere ez da bat ere erraza izango, partaideek 1.200 metroko mailen arteko aldea gainditu beharko dute.
Ibilbidea 13:00ak inguruan amaitzea aurreikusten dute antolatzaileek. Bukaeran, Alamedan mokadutxoren bat edo beste jan, eta indarrak berreskuratzeko aukera izango dute partehartzaileek. Horrez gain, 12:00etatik 14:00etara, nahi duenak Arraun Elkartean dutxatzeko eta bizikletak garbitzeko aukera edukiko du, iaz egin modura.
Ibilketaren helburua, parte hartzen duten guztiak batera joan, eta ondo pasatzea da. “Helburua jendeak leku berriak ezagutzea da, eta ahal dela leku horiek denok batera ezagutzea”. Beste urte batez, jendea ibilketan parte hartzera gonbidatu dute antolatzaileek. Parte hartzeko ez da aurretik izenik eman beharko. “Alamedan agertu besterik ez dago, bakoitza norbere bizikletagaz eta ondo pasatzeko gogoagaz”.
Informazio gehiago nahi duenakÂ
ondarrumtbkakatzan@gmail.com posta elektronikora idatzi beharko du.
Ibilbidea 13:00ak inguruan amaitzea aurreikusten dute antolatzaileek. Bukaeran, Alamedan mokadutxoren bat edo beste jan, eta indarrak berreskuratzeko aukera izango dute partehartzaileek. Horrez gain, 12:00etatik 14:00etara, nahi duenak Arraun Elkartean dutxatzeko eta bizikletak garbitzeko aukera edukiko du, iaz egin modura.
Ibilketaren helburua, parte hartzen duten guztiak batera joan, eta ondo pasatzea da. “Helburua jendeak leku berriak ezagutzea da, eta ahal dela leku horiek denok batera ezagutzea”. Beste urte batez, jendea ibilketan parte hartzera gonbidatu dute antolatzaileek. Parte hartzeko ez da aurretik izenik eman beharko. “Alamedan agertu besterik ez dago, bakoitza norbere bizikletagaz eta ondo pasatzeko gogoagaz”.
Informazio gehiago nahi duenak ondarrumtbkakatzan@gmail.com posta elektronikora idatzi beharko du. 
