2014. urtean bisitek gora egin dute Biodibertsitate Zentroan
Busturian kokatuta dagoen Euskadiko Biodibertsitate Zentroak gero eta bisitari gehiago hartzen ditu. Jakinarazi dutenez, 2014an 50.000 bisitari baino gehiago izan zituzten, 2013an baino %6 gehiago, hain zuzen ere. 2008. urteko ekainean ateak ireki zitu...
Busturian kokatuta dagoen Euskadiko Biodibertsitate Zentroak gero eta bisitari gehiago hartzen ditu. Jakinarazi dutenez, 2014an 50.000 bisitari baino gehiago izan zituzten, 2013an baino %6 gehiago, hain zuzen ere. 2008. urteko ekainean ateak ireki zituenetik, zentroak 250.000 bisitari baino gehiago hartu dituela jakinarazi dute.
Bisitek gora egiteaz gain, jarduera ezberdinetan parte hartzen duten bisitarien balorazioa ere, «oso ona» dela diote zentroko arduradunek: «Jarduerak zein erakusketa iraunkorra oso ondo baloratu dituzte, 10etik 8,7ko nota eman diote».
Ikasturtean zehar, eskola programa didaktikoan parte hartzera joaten dira ikastetxeetako ikasleak, eta haien balorazioak ere gora egin duela azaldu dute, «10 puntutik, 9,42 eman diote». 15.000 ikaslek parte hartu zuten iaz, Eskola Programa Didaktikoan, eta aurtengo programa dagoeneko «beteta» daukate.
Erakusketa iraunkorraz gain, hainbat dira urtean Biodibertsitate Zentroan jartzen dituzten aldi baterako doako erakusketak, eta horiek datu baikorretan «asko laguntzen» dutela diote. Era berean, iaz antolatu ziren 350 jarduerek eta auditorioan ospatutako ekimenek ere bisitari kopuruen gorakadan eragina eduki du.
Euskadiko Biodibertsitate Zentroko bisitari gehienak bizkaitarrak direla jakinarazi dute (%80,76).
Bisitek gora egiteaz gain, jarduera ezberdinetan parte hartzen duten bisitarien balorazioa ere, «oso ona» dela diote zentroko arduradunek: «Jarduerak zein erakusketa iraunkorra oso ondo baloratu dituzte, 10etik 8,7ko nota eman diote».
Ikasturtean zehar, eskola programa didaktikoan parte hartzera joaten dira ikastetxeetako ikasleak, eta haien balorazioak ere gora egin duela azaldu dute, «10 puntutik, 9,42 eman diote». 15.000 ikaslek parte hartu zuten iaz, Eskola Programa Didaktikoan, eta aurtengo programa dagoeneko «beteta» daukate.
Erakusketa iraunkorraz gain, hainbat dira urtean Biodibertsitate Zentroan jartzen dituzten aldi baterako doako erakusketak, eta horiek datu baikorretan «asko laguntzen» dutela diote. Era berean, iaz antolatu ziren 350 jarduerek eta auditorioan ospatutako ekimenek ere bisitari kopuruen gorakadan eragina eduki du.
Euskadiko Biodibertsitate Zentroko bisitari gehienak bizkaitarrak direla jakinarazi dute (%80,76).
