Eusko Jaurlaritzak berdelaren arrantza denboraldia berehala hasteko eskatu du

2015/02/05

Berdela Ondarroako portuan

Eusko Jaurlaritza kexu da berdela tresna txikiekin arrantzatzeko denboraldiaren hasiera atzeratu delako. Denboraldia, berez, otsailaren 2an hasi behar zen, baina Espainiako Nekazaritza, Elikadura eta Ingurumen Ministerioak aldebakarreko erabakiz hilaren 17ra arte atzeratu du. Jaurlaritzaren iritziz, Espainiako Ministerioaren erabakiak euskal flotari “kalte handia” eragiten dio, batez ere Bermeokoari eta Hondarribikoari. “Berdela espezie migratzailea denez, eta euskal uretan denbora tarte mugatu batean dagoenez, atzerapenak kalte larria eragingo liekete arrantza tresna txikiez baliatzen diren arrantzaleei. Are gehiago, jakinik frantziar flota dagoeneko lanean ari dela eta berdela duela zenbait egun gure kostaldearen parean dagoela”. Arrasteko arrantzaleei dagokionez, joan den urtarrilaren 19tik berdela arrantzatzen hasita daude. Eusko Jaurlaritzak ulertezintzat jo du Espainiako Nekazaritza, Elikadura eta Ingurumen Ministerioaren erabakia, “ez duelako inolako irizpide objetiborik eta, ondorioz, pentsa daitekeelako euskal erkidegokoa ez den beste erkidego autonomo batzuetako floten arrantza baldintzak lehenesteko interesak daudela”. Ekonomiaren Garapen eta Lehiakortasunerako Sailak zuzenean helarazi dio bere ondoeza Isabel Garcia Tejerina ministroari, eta debekualdia berehala kentzeko eskatu dio, denboralea igaro eta gero, arrantzaleak lanean hasi ahal izan daitezen.

Eusko Jaurlaritzak berdelaren arrantza denboraldia berehala hasteko eskatu du

Bizkaia

Bilboko Arte Ederren Museoak emakumezko artistei sarbide handiagoa emanez berrantolatu du bere bilduma

800 korrikalari lehiatuko dira bihar Gorbeia Suzien proban

Ondarearen kalteberatasunaz ohartaraziko dute Bizkaiko 77 udalerritan

Inbertsio funts batek Erandioko ehun etxetako baino gehiagotako maizterrak kanporatu nahi ditu

Iaz baino %20 organiko gehiago bilduko dute aurten Bizkaiko edukiontzi marroietan

Murueta ontziolak izokinetarako ontzi bat itsasoratu du

Jon Uriarte: «Gonbidapenak kentzea ez da kapritxoa izan»

Gaur hasiko da Dantzaldia Nazioarteko Dantza Jaialdia, ‘A ojo’ emanaldiarekin

Gehiengoa kontra duela hasi da zerga neurri berrien tramitazioa Bizkaian

Urdaibaiko landare espezie inbaditzaileak kenduko ditu diputazioak

Euskara «hizkuntza antifaxista» dela aldarrikatuko du EHEk Durangoko kaleetan

Vicinayk iragarri die langileei «neurriak» hartuko dituela, kontratu handi bat galdu ostean

Gorpu bat aurkitu dute Orozkon, sute batetik gertu

Mila merkatari eta ostalari jubilatuko dira Bilbon datozen bost urteetan

EAEko Auzitegi Nagusiak handitu egin du Ekain Perrinok jaso beharreko kalte ordaina

LABek salatu du Bizkaiko zahar etxeetako hitzarmenaren negoziazioa «blokeo arriskuan» dagoela