Gernika hirugarren jarri da sailkapenean, behin-behinean
Asteburuan Pasaiaren zelaian garaipena lortu ostean, Gernika Futbol Taldea hirugarren jarri da sailkapen orokorrean. Sailkapena, hala ere, behin-behinekoa da. Izan ere, Zalla laugarren sailkatuak partida bat gutxiago jokatu du. Hain zuzen, Bermeoren ko...
Asteburuan Pasaiaren zelaian garaipena lortu ostean, Gernika Futbol Taldea hirugarren jarri da sailkapen orokorrean. Sailkapena, hala ere, behin-behinekoa da. Izan ere, Zalla laugarren sailkatuak partida bat gutxiago jokatu du. Hain zuzen, Bermeoren kontra jokatu beharreko 23. jardunaldiko partida atzeratu behar izan zuen Zallak, orduko euriteek bere zelaia hondatu zutelako.
Gernikak 45 puntu ditu. Sailkapenaren goikaldera begiratuz gero, lehen eta bigarren sailkatuak nahikoa hurbil daude. Arenas bigarren sailkatuak 47 puntu dauzka, eta Portugalete liderrak 49. Atzeko taldeak ere, dena den, oso gertu daude. Hala, Gernikak ezin du erlaxatu play-offak jokatzeko aukerekin jarraitzeko. Zalla laugarren sailkatuak eta Beasain bosgarrenak 43na puntu dauzkate. Zallak, baina, partida bat gutxiago jokatu du. Neurketa hori irabaziz gero, Zalla 46 puntugaz jarriko litzateke, gernikarrak aurreratuz.
Pasaiaren kontra, Imanol Etxabek sartu zuen partidako gol bakarra, buruz. Horretarako, korner jaurtiketa bat baliatu zuen bertokoak.
Bermeok, porrot mingarria
Bermeo Futbol Taldeak, bestalde, ezin izan zion azken jardunaldietako bolada onari jarraipena eman asteburuan. Bermeotarrak joko onagaz zeuden, eta Oiartzun nahikoa makal zebilen aspaldian. Hala, Bermeok galtzea ezustekoa izan zen zaleentzat.
Norgehiagoka ondo hasi zen kostaldekoentzat. Josuek 11. minutuan aurreratu zituen etxekoak, erasoko jokaldi on baten ostean. Bazirudien neurketa erosoa izan behar zela Bermeo- rentzat, baina ez zen hala izan. Gola sartu ostean, taldeak ez zuen bere jokoa aurkitu, eta Oiartzun metroak irabazten hasi zen apurka-apurka. Santamariak, hala ere, bermeotarren bigarren gola sartzea lortu zuen, baina epaileak baliorik barik utzi zuen, jokoz kanpo zegoelako aurrelaria.
Neurketa trabatua
Bigarren zatian gipuzkoarrek presio handia egin zuten, eta geldikako jokaldietan arriskua sortzen hasi ziren. Zenbait aukera eduki ostean, Oiartzunek berdinketaren gola sartu zuen 71. minutuan.
Oraindik partida irabazteko denbora zuen Bermeok, baina 76. minutuan, Oiartzunek bigarren gola sartu zuen, 1-2 jarriz. Partida amaiera arte, neurketa oso trabatua izan zen, eta ez zen erasoko jokaldi garbirik izan. Porrota jasota, Bermeo sailkapeneko 11. postuan da, 32 puntugaz. Bermeotarrek, baina, partida bat gutxiago jokatu dute.
Gernikak 45 puntu ditu. Sailkapenaren goikaldera begiratuz gero, lehen eta bigarren sailkatuak nahikoa hurbil daude. Arenas bigarren sailkatuak 47 puntu dauzka, eta Portugalete liderrak 49. Atzeko taldeak ere, dena den, oso gertu daude. Hala, Gernikak ezin du erlaxatu play-offak jokatzeko aukerekin jarraitzeko. Zalla laugarren sailkatuak eta Beasain bosgarrenak 43na puntu dauzkate. Zallak, baina, partida bat gutxiago jokatu du. Neurketa hori irabaziz gero, Zalla 46 puntugaz jarriko litzateke, gernikarrak aurreratuz.
Pasaiaren kontra, Imanol Etxabek sartu zuen partidako gol bakarra, buruz. Horretarako, korner jaurtiketa bat baliatu zuen bertokoak.
Bermeok, porrot mingarria
Bermeo Futbol Taldeak, bestalde, ezin izan zion azken jardunaldietako bolada onari jarraipena eman asteburuan. Bermeotarrak joko onagaz zeuden, eta Oiartzun nahikoa makal zebilen aspaldian. Hala, Bermeok galtzea ezustekoa izan zen zaleentzat.
Norgehiagoka ondo hasi zen kostaldekoentzat. Josuek 11. minutuan aurreratu zituen etxekoak, erasoko jokaldi on baten ostean. Bazirudien neurketa erosoa izan behar zela Bermeo- rentzat, baina ez zen hala izan. Gola sartu ostean, taldeak ez zuen bere jokoa aurkitu, eta Oiartzun metroak irabazten hasi zen apurka-apurka. Santamariak, hala ere, bermeotarren bigarren gola sartzea lortu zuen, baina epaileak baliorik barik utzi zuen, jokoz kanpo zegoelako aurrelaria.
Neurketa trabatua
Bigarren zatian gipuzkoarrek presio handia egin zuten, eta geldikako jokaldietan arriskua sortzen hasi ziren. Zenbait aukera eduki ostean, Oiartzunek berdinketaren gola sartu zuen 71. minutuan.
Oraindik partida irabazteko denbora zuen Bermeok, baina 76. minutuan, Oiartzunek bigarren gola sartu zuen, 1-2 jarriz. Partida amaiera arte, neurketa oso trabatua izan zen, eta ez zen erasoko jokaldi garbirik izan. Porrota jasota, Bermeo sailkapeneko 11. postuan da, 32 puntugaz. Bermeotarrek, baina, partida bat gutxiago jokatu dute.
