Fruta arbolak landatzeko ikastaroa antolatu dute hilaren 21erako, Lekeition
Fruta arbolak zelan landatu ikasteaz gain, parte hartzaileek inausketa zelan egin ikasi ahalko dute. Hilaren 20a da izena emateko azken eguna. Horretarako, kultur etxera joan behar daLekitto Bedarrak fruta arbolak landatzeko eta inausketa egiten ikaste...
Fruta arbolak zelan landatu ikasteaz gain, parte hartzaileek inausketa zelan egin ikasi ahalko dute. Hilaren 20a da izena emateko azken eguna. Horretarako, kultur etxera joan behar da
Lekitto Bedarrak fruta arbolak landatzeko eta inausketa egiten ikasteko ikastaroa antolatu du hilaren 21erako. Izena emateko epea hilaren 20an amaituko da. Horretarako, herritarrek kultur etxera joan edo deitu beharko dute (94-624 34 82).Arbolak zelan landatu ikasteaz gain, nola elikatu, gaixoak zelan sendatu eta noiz eta zelan inausi ikasiko dute parte hartzaileek. «Ze arbola inausi eta zein ez ere irakatsiko dugu ikastaroan. Horrez gain, inausteko edo landatzeko sasoirik onena noiz den ere jakin ahalko dute parte hartzaileek».
Ikastaroan adibide praktikoak eskainiko dituztela gaineratu dute Lekitto Bedarrekoek.
Otsailaren 21ean ikastaroa 10:00etan hasiko bada ere, 10:00etatik 11:30era egongo dira parte hartzaileak kultur etxean. Ordu tarte horretan teoria landuko dute. 11:30etik 13:00etara, ostera, praktika egingo dute, taldeko kide baten ortuan.
Eguraldi txarra egingo balu, ateri dagoenean Abaroa lorategian zer edo zer egiten ahaleginduko direla aurreratu dute Lekitto Bedarrekoek.
Ikastaroa EHNEko Unai Arangurenek gidatuko duela jakitera eman dute.
