Sardina asko porturatu da azken egunotan Ondarroako portuan
Azken egunotan 100.000 kilo sardina inguru porturatu dira Ondarroan. Asteko lehen bi egunetan itsaso txarra egon da, eta baxurrako arrantzaleek ez dute arrantzan irtetzeko aukera handirik eduki. Atzo [otsailak 18], esate baterako, ez zen arrain askorik porturatu eta garesti saldu zen bentalekuan. Besteak beste, sardina, betandia, boba eta txitxarro zuria ekarri zituzten arrantzaleek.
Gaur [otsailak 19], ostera, goizeko lehenengo orduetan porturatu ziren arrantzontziek tamaina txikiko sardina ekarri zuten. Guztira, 8.000 kilo parrotxa saldu ziren bentan 90 zentimo inguruan.
Goiza aurrera joan ahala, sardinaz betetako hainbat txalupa porturatu dira. Arrantzaleak etengabe sardina deskargatzen aritu dira eta denetara 10.000 kaxa sardina inguru saldu dira.
Arrantzaleak sardinak deskargatzen
