'Gure Esku Dago', herritarren eskura
Gure Esku Dago herri ekimenak denda zabaldu du Eriabarrena kalean; besteak beste, ekainaren 21ean egingo duten nazio mailako ekimenerako oihalak eskuratu daitezke han.Gure Esku Dago herri ekimena gernikarren esku-eskura dago orain. Izan ere, denda bat ...
Gure Esku Dago herri ekimenak denda zabaldu du Eriabarrena kalean; besteak beste, ekainaren 21ean egingo duten nazio mailako ekimenerako oihalak eskuratu daitezke han.
Gure Esku Dago herri ekimena gernikarren esku-eskura dago orain. Izan ere, denda bat ireki dute, Eriabarrena kalean (Arrien tabernaren ondoan). Ekainaren 21ean egingo duten nazio mailako ekitaldiari begira, oihalak salduko ditu Gure Esku Dagok denda horretan, ekimeneko kideek azaldu dutenez. «Halaber, materiala helduko zaigu hurrengo asteetan: kamisetak, izerditzeko elastikoak eta abar, eta denda horretan ipiniko ditugu salgai».Erakusketa bat ere bada denda berrian: «Ekainaren 8ko giza katean ateratako argazkiekin egindako erakusketa da, eta ikusgai dago dendan». Era berean, egun hartako argazki gehiago batu gurako lituzkete Gure Esku Dagoko kideek; «jendea animatu gura dugu etxean dituzten egun horretako argazkiak dendara eramatera; edo, bestela, gure helbideren batera bidali ditzatela».
Esku faltan
Barikuetan zabalduko dute Gure Esku Dago-ren lokal hori, 19:00etatik 21:00etara bitartean. «Aurrerantzean egun gehiagotan zabaltzea da asmoa. Baina jendea behar dugu, laguntza behar dugu. Gutxi gara lanean ari garenak, eta esku bat gehiago beti dator ondo». Zentzu horretan, esan dute dendan txandaren bat egiteko prest dauden herritarrek han bertan eman dezaketela izena.
Ekainaren 21era begira daude orain Gure Esku Dago ekimenekoak. «Oihalak salduko ditugu dendan, euro batean oihal zatia. Norberak gura duena idatz dezake bere zati horretan. Gero, ekainaren 21ean Bizkaiko zati denak josiko ditugu».
Bizkaiko ekitaldi nagusia San Mamesen egingo dute; eta, egun horretan, Euskal Herriko estadio nagusiak nolabait batzea dute helburu.