Ugaitz Mugertza bigarren Urrezko aizkora lortzeko bidean da

2015/03/05

Mugertza eta Atutxa, 2014 urrezko aizkora

MugertzaII eta AtutxaII, 2014 Urrezko Aizkora finalean. Argazkia: Egursport

Ugaitz Mugertza aizkolari mutrikuarrak Urrezko Aizkoraren binakako finala jokatuko du Aitzol Atutxarekin batera, domekan [martxoak 8]. Mutrikuarrak eta dimoztarrak osatutako bikoteak iaz titulu bera irabazi zuen, eta aurten ere titulua bigarrenez irabazten saiatuko dira Azpeitian egingo den proban. XV. Eusko Label sariko urrezko kategoriaren binakako finalean aurkari indartsu eta gogorren aurka neurtu beharko dituzte indarrak. Jon Rekondok eta Ander Erasunek beraien lehen finala jokatuko dute, eta nafarren aurkako norgehiagoka ez dela batere erraza izango nabarmendu du Mugertza IIak. “Bi gazteak lehenengo mailan ari dira jokatzen. Nire ustez, oso final estua izango da. Irabaztea ez da lan erraza izango”. Bigarren Urrezko Aizkora irabazteko gogotsu irtengo du iazko bikote irabazleak. “Titulua mantentzen saiatuko gara. Dudarik gabe, irabazterza aterako gara. Azkar hasteko asmoa dugu, eta gerokoan, azken probarako indarrak gordetzen saiatuko gara”.

Ugaitz Mugertza eta Aitzol Atutxa iazko finalean. Argazkia: Egursport

Sei proba desberdinetan banatuta, 16 enbor moztu beharko dituzte bi bikote aurkariek. Lehen proban, 45 ontzako enbor bat kolpeka moztu beharko dute. Bigarrenean, erlojuaren aurka egin beharreko proban, 45 ontzako bi enbor moztu beharko dituzte. Hirugarrenean, kana-erdiko enbor bat zutik moztu beharko dute. Laugarren edo abiadura proban, kana-erdiko enbor bi moztu beharko dituzte. Bosgarren proban, aldiz, 45 ontzako enborra zutik eta kana-erdiko enbor bat etzanda moztu beharko dituzte. Azken proban, denetara, zortzi enbor lan erdira moztu beharko dituzte. 45 ontzako bi enbor, kana-erdiko lau eta 60 ontzako bi. Mugertzaren iritziz, probarik “erabakiorrena” azkena izango da. Etzandako zortzi enbor moztu beharko dituzte, eta erresistentzia beharrezkoa izango da. “Proba luze, gogor eta nekagarria izango da. Bertara ondo ailegatzea garrantzitsua izango da. Ordu laurden inguruko lana egin beharko dugu, eta hortxe segundo batzuk ateratzeko aukera izango dugula uste dut. Azken proban irabazi ahal diren segundoek finala irabazi edo galtzeko garrantzia handia izango dute”.

Ugaitz Mugertza bigarren Urrezko aizkora lortzeko bidean da

Bizkaia

Justizia Anderrentzat plataformak salatu du oraindik badaudela «erantzule diren polizia eta arduradun politikoak»

Euskal artista gazteen saretzea bistaratu du ‘Ertibil Bizkaia’ erakusketak Bilbon

Onintza Enbeita: «Bertsolari moduan sekula jaso dudan maitasun erakustaldirik handiena da pregoilari izatea»

Ezinbesteko andre ahaztuak

Espetxeratu dute Getxon sexu eraso bat egitea leporatuta atxilotu zuten gizona

Santurtziko udaltzainburuak dimisioa eman du, bi auzi ikerketapean egonda

Cake Minuesa eskuin muturreko probokatzaileari erasotzea leporatzen diote atzo atxilotutako gizonezkoari

Subflubialari Ez plataformak «gardentasuna» eskatu du itsasadar azpiko errepidearen proiektuaren inguruan

Bihar zabalduko dute Deustu eta Txorierri lotzen dituen tunela

Bizkaiko golkoan hasiak dira goi tentsioko linearako kablea jartzen

Gizon bat atxilotu dute Zornotzan hil zen txirrindulariaren harrapaketa dela eta

Ur eskasia dela eta, zisterna kamioiak eramanen ditu Bizkaiko Foru Aldundiak Karrantzara

Gizon bat atxilotu dute Getxon, kalean emakume bati sexu erasoa egiten harrapatuta