Lekeitioko udal eraikinetan hileta zibilak egiteko aukera egongo da
Hileta eta ospakizun zibilak burutu ahalko dira Lekeitioko udaletxean. Argazkia: Lekeitioko Udala
Udalak bi aukera emango ditu hileta zibilak egiteko, bata pleno aretoan eta bestea Ikusgarri aretoan. Modu horretan, zeremonia zibilek ere lekua izango dute Lekeition.Neurri horregaz, Lekeitioko Udalak erlijio sinesmenetatik kanpo dauden bestelako hiletei duintasuna eta errespetua erakutsi nahi diela nabarmendu du. «Jendartearen nahiak entzun eta egitasmo zehatzak gauzatu behar ditugu gai honetan ere», adierazi dute. 2013ko otsailean, errautsak kanposantuan lurperatzea ahalbidetu zuen udalak, horretarako bertako kanposantuko lursail bat bereziz, eta 2015ean hileta zibilak egiteko aukera eman nahi dute.
